আন্তঃৰাষ্ট্ৰীয় ক্ৰিকেট জগতৰ পৰা আহিছে এটা ডাঙৰ খবৰ। বাংলাদেশ ক্ৰিকেট দলে শ্ৰীলংকাৰ বিৰুদ্ধে অনুষ্ঠিত তিনিখন মেচৰ টি-২০ শৃংখলাত ২-১ ব্যৱধানত জয়ী হৈ ইতিহাস ৰচিবলৈ সক্ষম হয়।
বাংলাদেশ ক্ৰিকেট দলে প্ৰথমবাৰৰ বাবে শ্ৰীলংকাৰ বিৰুদ্ধে আন্তঃৰাষ্ট্ৰীয় টি-২০ শৃংখলা জয়ী হৈছে। বুধবাৰে দুয়োখন দেশৰ মাজত হোৱা তৃতীয় তথা অন্তিমখন টি-২০ মেচত শ্ৰীলংকাৰ বিৰুদ্ধে সহজেই বিজয় সাব্যস্ত কৰে বাংলাদেশে।
কলম্বোত অনুষ্ঠিত হোৱা তৃতীয়খন মেচত শ্ৰীলংকা দলে প্ৰথমে বেট ধৰি মাত্ৰ ১৩২ ৰানহে কৰিবলৈ সক্ষম হয়। ইয়াৰ প্ৰত্যুত্তৰত বাংলাদেশ দলে মাত্ৰ ১৬.৩ অভাৰতে নিৰ্ধাৰিত লক্ষ্যত উপনীত হয়। আৰু এইদৰে বাংলাদেশ দলে ২-১ত শৃংখলাটো দখল কৰিবলৈ সক্ষম হয়।
শৃংখলাৰ প্ৰথমখন মেচ শ্ৰীলংকাই বিজয় সাব্যস্ত কৰিছিল যদিও বাকী দুখন মেচ আলহী দলটোৰ হাতত পৰাস্ত হৈ প্ৰথমবাৰৰ বাবে বাংলাদেশৰ বিৰুদ্ধে শৃংখলা হেৰুৱাই।
