১৫ আগষ্টৰ ঠিক পূৰ্বে দিল্লীত কটকটীয়া নিৰাপত্তাৰ ব্যৱস্থা কৰা হৈছে। ইতিমধ্যে স্বাধীনতা দিৱসৰ প্ৰস্তুতি আৰম্ভ হৈছে।
গুৰুত্বপূৰ্ণ বিষয়টো হ’ল যে, ৪ আগষ্টত পাঁচজন বাংলাদেশীয়ে অবৈধভাৱে লালকিল্লাত প্ৰৱেশ কৰিবলৈ চেষ্টা কৰি থকা অৱস্থাত ধৰা পৰে। ইতিমধ্যে তেওঁলোকৰ পৰা উদ্ধাৰ হৈছে ভুৱা আধাৰ কাৰ্ড।
আৰক্ষীয়ে এই বাংলাদেশী নাগৰিককেইজনক ডিটেনচন চেণ্টাৰলৈ প্ৰেৰণ কৰিছে। এতিয়া ১৫ আগষ্টৰ পৰিপ্ৰেক্ষিতত লালকিল্লাৰ নিৰাপত্তাৰ ব্যৱস্থা আৰু অধিক বৃদ্ধি কৰা হৈছে।
দিল্লী আৰক্ষীয়ে বিভিন্ন নিৰাপত্তাজনিত কাৰণত দেশৰ ৰাজধানীত ১৬ আগষ্টলৈকে পেৰাগ্লাইডাৰ, হেং-গ্লাইডাৰ আৰু হট এয়াৰ বেলুন আদি উপ-গতানুগতিক আকাশী প্লেটফৰ্ম উৰণ নিষিদ্ধ কৰিছে। স্বাধীনতা দিৱসৰ কাৰ্যসূচীৰ পূৰ্বে দিল্লী আৰক্ষীয়েও এই সন্দৰ্ভত এক নিৰ্দেশনা জাৰি কৰিছে। এই আদেশত উল্লেখ কৰা হৈছে যে পেৰা-মটৰ, হেং-গ্লাইডাৰ, ইউএভি, ইউএএছ, মাইক্ৰ’লাইট বিমান, ৰিম’ট কণ্ট্ৰ’ল কৰা বিমান ১৬ আগষ্টলৈকে নিষিদ্ধ থাকিব। আদেশত নিৰাপত্তাৰ কাৰণো উল্লেখ কৰা হৈছে।
