প্ৰায়ে ধুনীয়া চুলি আৰু জিলিকি থকা ছালৰ মহিলাক দেখি প্ৰতিগৰাকী মহিলাই ভাবে যে, আমাৰ চুলি আৰু ছালখনো যদি এনেকৈ চিকচিকিয়া আৰু কোমল হৈ পৰিল হয়। বিশেষকৈ শীতকালত ছালৰ ৰং ম্লান হ’বলৈ আৰম্ভ কৰে। বেছিভাগ মানুহেই শীতকালত ছাল শুকান হোৱাৰ বাবে অসুবিধা পায়।
একে সময়তে শীতকালত চুলি সৰা আৰু উফি এটা সাধাৰণ সমস্যা হৈ পৰে। কিন্তু যদি আপুনি ছাল আৰু চুলিৰ যত্নৰ ভাল ৰুটিন ৰাখে, তেন্তে এই সমস্যাটো বিশেষ বাঢ়ি নাযায়। কিছুমান ঘৰুৱা উপায়েৰে আমি নিজকে প্ৰাকৃতিকভাৱে কেনেদৰে সুন্দৰ কৰি তুলিব পাৰো জানো আহক-
- দৈ আৰু হালধীৰ পেক-
যদি আমি কোমল ছাল পাব বিচাৰো, তেন্তে মুখত দৈ আৰু হালধীৰ পেক লগাব পাৰো। যেতিয়াই আপোনাৰ ছালখন নিস্তেজ দেখা যায়, তেতিয়াই এই পেকটো লগাব পাৰে। ইয়াৰ ফলত আপোনাৰ ৰং উন্নত হ’ব আৰু ছালখন কোমল হ’ব।
- শোৱাৰ পূৰ্বে নাৰিকল তেল-
যদি আপুনি মেকআপ লগাই আঁতৰাই নিদিয়াকৈ শুই যায়, তেন্তে ইয়াৰ প্ৰভাৱ আপোনাৰ ছালত পৰিব পাৰে। মেকআপ আঁতৰাবলৈ নাৰিকল তেল ব্যৱহাৰ কৰিব লাগে। নিশা শোৱাৰ পূৰ্বে নাৰিকল তেল লগাইও মুখখন পৰিষ্কাৰ কৰিব পাৰে। নাৰিকল তেল লগাই কেইমিনিটমান ৰাখিব লাগে আৰু তাৰ পিছত তিতা টাৱেলেৰে মুখখন লাহে লাহে মচি দিব। ইয়াৰ ফলত আপোনাৰ ছালখন পৰিষ্কাৰ আৰু হাইড্ৰেটেড হৈ থাকে।
- নাৰিকল আৰু এড়ি তেলেৰে চুলিৰ মালিচ-
ধুনীয়া চুলিৰ ৰহস্য হ’ল কুহুমীয়া নাৰিকল আৰু এড়ি তেলেৰে মালিচ কৰা। মূৰৰ মালিচ কৰাৰ পিছত গৰম টাৱেলেৰে চুলিখিনি বান্ধিব লাগে। অলপ পিছত চেম্পু কৰি কণ্ডিচনাৰ লগাব লাগে। ইয়াৰ ফলত চুলিবোৰ কোমল, দীঘল আৰু ডাঠ হৈ পৰে।
- গা ধোৱাৰ পিছত অৰ্গান তেল লগাব-
ছালখন সুন্দৰ কৰিবলৈ বডি লোচনৰ লগত আৰ্গান অইল মিহলাই গা ধোৱাৰ পিছত লগাব লাগে। ইয়াৰ ফলত ছালখন হাইড্ৰেটেড আৰু জিলিকি থাকে। শীতকালত এই জীৱনশৈলী পালন কৰিলে আমাৰ চুলি আৰু ছাল কোমল হৈ থাকে।
