ছ’চিয়েল মিডিয়াত ক্ৰমান্বয়ে ভাইৰেল হৈ পৰিছে চীনৰ গ্ৰেট ৱালৰ এটা ভিডিঅ’। য’ত ভিৰেৰে ভৰি থকা দেখা গৈছে সেই দেৱালখন। এই প্ৰাচীৰৰ ইতিহাস হাজাৰ হাজাৰ বছৰ পুৰণি। এইখন হৈছে পৃথিৱীৰ আটাইতকৈ দীঘল শ্মশান। এই দেৱালখন পৃথিৱীৰ আটাইতকৈ বিখ্যাত প্ৰেম কাহিনীৰ সাক্ষী।
ভিৰেৰে ভৰপূৰ চীনৰ এই গ্ৰেট ৱালৰ ভিডিঅ’ ভাইৰেল হৈ পৰিছে ছ’চিয়েল মিডিয়াত। চীনৰ এই গ্ৰেট ৱাল হৈছে হৈছে বিশ্বৰ সাতটা ঐতিহ্যৰ ভিতৰত অন্যতম।
চীনৰ এই গ্ৰেট ৱালৰ কল্পনা খ্ৰীষ্টপূৰ্ব তৃতীয় শতিকাত চীনৰ প্ৰথম সম্ৰাট কিন শ্বি হুয়াঙে কৰিছিল। কিন্তু ইয়াক সম্পূৰ্ণ কৰিবলৈ লাগিছিল শ শ বছৰ। নিৰাপত্তাজনিত বিভিন্ন ৰজাই নিজ নিজ সময়ত এই প্ৰাচীৰ কৰিছিল সম্প্ৰসাৰণ। ষোড় শ শতিকালৈকে এই দেৱালখন প্ৰায় ২১ কিলোমিটাৰলৈকে বিস্তৃত হৈছিল।
পিছে সাধাৰণ জনতাৰ আগমনৰ ওপৰত আৰোপ কৰা হৈছে নিষেধাজ্ঞা। চীনৰ এই গ্ৰেট ৱালৰ দৈৰ্ঘ্য ২১,১৯৬.১৮ কিলোমিটাৰ আৰু উচ্চতা হৈছে ৮.৩৫ ফুট। বিশ্বাস কৰা হয় যে, এই দেৱালৰ প্ৰস্থ ইমানেই যে একেলগে প্ৰায় ৫ গৰাকী অশ্বাৰোহী বা ১০ গৰাকী পদাতিক সৈন্যই টহল দিব পাৰে।
চীনৰ এই গ্ৰেট ৱালক স্থানীয় লোকে ৱান লি চাং চেং আখ্যা দিছে। ইয়াৰ অৰ্থ হৈছে দহ হাজাৰ লি দীঘল দেৱাল। লি হৈছে চীনৰ দৈৰ্ঘ্য জোখাৰ একক। দহ হাজাৰ লি হৈছে প্ৰায় ১০ হাজাৰ কিলোমিটাৰৰ সমান। এই দেৱালখন প্ৰায় ৫০ বছৰ আগতে ১৯৭০ চনত সাধাৰণ জনতাৰ বাবে মুকলি কৰা হৈছিল। ১৯৮৭ চনত এই দেৱালখন ইউনেস্কই বিশ্ব ঐতিহ্যৰ ক্ষেত্ৰ হিচাপে তালিকাভূক্ত কৰে।
কিয় চীনৰ এই গ্ৰেট ৱালক কোৱা হয় বিশ্বৰ আটাইতকৈ দীঘল কবৰস্থান
চীনৰ এই গ্ৰেট ৱাল নিৰ্মাণত ইতিমধ্যে বহুলোকে প্ৰাণ হেৰুৱাইছে। প্ৰতিবেদন অনুসৰি, সম্ৰাটৰ সৈন্যই সাধাৰণ মানুহক ঘেৰি ধৰি দেৱালত কাম কৰাইছিল।
হাজাৰ হাজাৰ মানুহে দিনে-নিশাই দেৱাল নিৰ্মাণত ব্যস্ত আছিল। কোৱা হয় যে, যদি কোনো শ্ৰমিকে পলাবলৈ চেষ্টা কৰিছিল বা আনকি অভিযোগও কৰিছিল। তেন্তে তেওঁক তাতেই সমাধিস্থ কৰা হৈছিল।
কোৱা হয় যে, প্ৰায় ২ হাজাৰ বছৰৰ নিৰ্মাণকালত ৪,০০,০০০ৰ পৰা ১০,০০,০০০ লোকৰ মৃত্যু হৈছিল। এই লোকসকলক বেৰৰ কাষত বা বেৰৰ ভিতৰতে পুতি থোৱা হৈছিল। সেই কাৰণেই চীনৰ গ্ৰেট ৱালক ইতিহাসৰ আটাইতকৈ দীঘল কবৰস্থান বুলি কোৱা হয়।
