২৪ অক্টোবৰত হায়দৰাবাদ-বেংগালুৰু ঘাইপথত সংঘটিত হয় এক মৰ্মান্তিক দুৰ্ঘটনা। কুৰনুল জিলাৰ কল্লুৰ মণ্ডলৰ চিন্নাটেকপুৰ অঞ্চলত এখন বাছত অগ্নিকাণ্ড সংঘটিত হোৱাৰ ফলত কেইবাজনো লোকৰ প্ৰাণহানি হয়।
এই দুৰ্ঘটনাটো ইমানেই ভয়াৱহ আছিল যে মিনিটৰ ভিতৰতে বাছখনক সম্পূৰ্ণৰূপে জুইৰ লেলিহান শিখাই আগুৰি ধৰে। অৱশ্যে পিছলৈ নিয়ন্ত্ৰণলৈ অনা হৈছে এই অগ্নিকাণ্ড।
প্ৰাথমিক তথ্য অনুসৰি, বেংগালুৰু-হায়দৰাবাদ ঘাইপথত কালেশ্বৰম ট্ৰেভেলছৰ এখন বাছে মটৰ চাইকেলৰ সৈতে খুন্দা মাৰে। ইয়াৰ পিছতে বাছখনত অগ্নিকাণ্ড সংঘটিত হয়। আৰক্ষীয়ে জনোৱা মতে, দুৰ্ঘটনা সংঘটিত হোৱাৰ সময়ত চালক আৰু সহায়কসহ মুঠ ৪২জন লোক বাছখনত আছিল। এই পৰ্যন্ত ১৫ জন লোকক চিকিৎসালয়ত ভৰ্তি কৰা হৈছে। ইয়াৰ পূৰ্বেও কেইবাটাও বাছ দুৰ্ঘটনা সংঘটিত হৈছে।
এই বাছ দুৰ্ঘটনাত বহু লোকৰ মৃত্যুৰ আশংকা কৰা হৈছে। যদিও সঠিক সংখ্যা এতিয়াও জানিব পৰা হোৱা নাই যদিও চিকিৎসালয়ত ভৰ্তি হোৱা সকল চিকিৎসাধীন হৈ আছে।
অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডুৱে এই দুৰ্ঘটনাক লৈ শোক প্ৰকাশ কৰে। তেওঁ সামাজিক মাধ্যমত এটা পোষ্ট শ্বেয়াৰ কৰে। তেওঁ লিখে যে, কুৰনুল জিলাৰ চিন্নেটকুৰ গাঁৱৰ সমীপত সংঘটিত হোৱা ভয়ংকৰ বাছ দুৰ্ঘটনাৰ বিষয়ে জানিবলৈ পাই স্তম্ভিত হৈছে। চৰকাৰে আহত আৰু ক্ষতিগ্ৰস্ত পৰিয়ালক সকলো ধৰণৰ সহায় আগবঢ়োৱাৰো প্ৰতিশ্ৰুতি দিয়ে নাইডুৱে।
