আজি লৌহমানৱ চৰ্দাৰ বল্লভভাই পেটেলৰ ১৫০ সংখ্যক জন্ম জয়ন্তী। এই বিশেষ দিনটো ৰাষ্ট্ৰীয় ঐক্য দিৱস হিচাপে পালন কৰা হয়।
এই উপলক্ষে প্ৰধানমন্ত্ৰী নৰেন্দ্ৰ মোদীয়ে সামাজিক মাধ্যমত কয় যে, চৰ্দাৰ বল্লভভাই পেটেল ভাৰতৰ একত্ৰীকৰণৰ চালিকা শক্তি আছিল, যাৰ ফলত ভাৰতৰ গঠনমূলক বছৰবোৰত ভাগ্য গঢ় লৈ উঠিছিল। ৰাষ্ট্ৰীয় অখণ্ডতা, সুশাসন, আৰু জনসেৱাৰ প্ৰতি তেওঁৰ অদম্য দায়বদ্ধতা অব্যাহত থাকিব।যাৰ দ্বাৰা নৱপ্ৰজন্মক অনুপ্ৰাণিত কৰিব পৰা যাব।
প্ৰধানমন্ত্ৰী নৰেন্দ্ৰ মোদীয়ে ৩১ অক্টোবৰত ভাৰতৰ প্ৰথমজন গৃহমন্ত্ৰী চৰ্দাৰ বল্লভভাই পেটেলৰ ১৫০ সংখ্যক জন্ম জয়ন্তীত গুজৰাটৰ ঐক্যৰ মূৰ্তিত শ্ৰদ্ধাঞ্জলি জ্ঞাপন কৰে। ২০১৪ চনত মোদী প্ৰথমবাৰৰ বাবে প্ৰধানমন্ত্ৰী হোৱাৰ পিছৰে পৰা প্ৰতি বছৰে ৩১ অক্টোবৰত পেটেলৰ জন্ম বাৰ্ষিকী ৰাষ্ট্ৰীয় ঐক্য দিৱস হিচাপে পালন কৰা হয়।
গুজৰাটৰ নৰ্মদা জিলাৰ একতা নগৰৰ সমীপৰ ১৮২ মিটাৰ উচ্চতাৰ পেটেলৰ প্ৰতিমূৰ্তিত প্ৰধানমন্ত্ৰী মোদীয়ে ভাৰতৰ লৌহমানৱক পুষ্প অৰ্পণ কৰি শ্ৰদ্ধাঞ্জলি জনায়। ইয়াৰ পিছত তেওঁ ওচৰৰ ঠাইলৈ আগবাঢ়ি যায়, য’ত তেওঁ উপস্থিত লোকসকলক ঐক্যৰ প্ৰতিজ্ঞা প্ৰদান কৰে।
এইবাৰৰ ৰাষ্ট্ৰীয় ঐক্য দিৱস উদযাপনত সাংস্কৃতিক উৎসৱ আৰু আৰক্ষী আৰু অৰ্ধসামৰিক বাহিনীৰ ৰাষ্ট্ৰীয় ঐক্য দিৱসৰ পেৰেড অনুষ্ঠিত হয়। য’ত সীমান্ত সুৰক্ষা বাহিনী (বি এছ এফ) আৰু কেন্দ্ৰীয় সংৰক্ষিত আৰক্ষী বাহিনী (এছ আৰ পি এফ)ৰ দৰে অৰ্ধসামৰিক বাহিনী আৰু বিভিন্ন ৰাজ্যিক আৰক্ষী বাহিনীৰ দলসমূহ অন্তৰ্ভুক্ত কৰা হয়।
