কিশোৰীৰ সৈতে কুকৰ্ম কৰি আটক হৈছে এগৰাকী ৬০ বছৰীয়া বৃদ্ধ। টিউছন কৰিবলৈ অহা কিশোৰীক সৈতে কুকৰ্ম কৰাৰ অভিযোগ এইগৰাকী বৃদ্ধৰ বিৰুদ্ধে।
কামৰূপৰ বংশৰত হৈছে এই জঘন্য ঘটনা। টিউছন কৰিবলৈ অহা কিশোৰীৰ সৈতে কুকৰ্ম কৰাৰ অভিযোগ উত্থাপন ৬০ বছৰীয়া সৰুৰাম দাসৰ বিৰুদ্ধে। ঘটনাৰ বিৱৰণ অনুসৰি সৰুৰাম দাসৰ পুত্ৰ-বোৱাৰীয়ে ঘৰতে টিউচন লয় কেইবাজনো ছাত্ৰ-ছাত্ৰীক। চলিত মাহৰ ৭ তাৰিখ অৰ্থাত শুকুৰবাৰে পুৱা ১০ বজাত টিউচন ল’বলৈ আহিছিল এগৰাকী কিশোৰী। সেই সময়ত ঘৰৰ বাৰান্দাতে বহি থকা সৰুৰাম দাসে ঘৰত কোনো নথকাৰ সুযোগ গ্ৰহণ কৰি কিশোৰী গৰাকীৰ সৈতে অপকৰ্ম কৰিবলৈ চেষ্টা চলোৱাৰ অভিযোগ উত্থাপন হয়। সৰুৰামৰ কৱলৰ পৰা কোনো মতে নিজকে ৰক্ষা কৰি পলায়ণ কৰা কিশোৰী গৰাকীয়ে ঘৰত গৈ সকলো কথা মাতৃক অৱগত কৰাৰ পিছতে পোহৰলৈ আহে সৰুৰামৰ প্ৰকৃত চৰিত্ৰ।
ঘটনা সন্দৰ্ভত কিশোৰী গৰাকীৰ পৰিয়ালে এজাহাৰ দাখিল কৰাৰ পিছতে অভিযুক্ত সৰুৰামক গ্ৰেপ্তাৰ কৰে শুৱালকুচি আৰক্ষীয়ে। এজাহৰৰ ভিত্তিত আৰক্ষীয়ে তদন্ত আৰম্ভ কৰিছে।
