ভোগালী বিহুৰ সময়তে জুবিন গাৰ্গৰ হত্যাৰ গোচৰৰ তদন্তক লৈ আহিছে এক ডাঙৰ খবৰ।জুবিন গাৰ্গৰ হত্যাৰ গোচৰত বিশেষ অধিবক্তাৰ দল নিযুক্তি দিয়া হৈছে।
জুবিন হত্যা গোচৰত ওকালতি কৰিবলৈ ৰাজ্য চৰকাৰৰ অধিবক্তাৰ দল নিযুক্তি দিয়া হৈছে। কেবিনেটৰ অনুমোদন মৰ্মে এই ৫ অধিবক্তাক বিশেষ ওকালতিৰ দায়িত্ব অৰ্পণ কৰে ৰাজ্যপালে। জুবিন হত্যা গোচৰৰ ওকালতিত SPECIAL PUBLIC PROSECUTOR হিচাপে থাকিব জিয়াউল কামাৰ।তেওঁক সহায় কৰিব ADDITIONAL SPECIAL PUBLIC PROSECUTOR ব্ৰজেন্দ্ৰ মোহন চৌধুৰীয়ে। লগত থাকিব ASSISTANT SPECIAL PUBLIC PROSECUTOR কিশোৰ দত্ত, প্ৰাঞ্জল দত্ত আৰু বিকাশ জামাৰে।
ইফালে আজি ছিংগাপুৰৰ আদালতত চলিব জুবিন গাৰ্গৰ মৃত্যুৰ বিচাৰ প্ৰক্ৰিয়া। ছিংগাপুৰৰ কৰ’নাৰ্ছ আদালতত চলিব জুবিন গাৰ্গৰ মৃত্যুৰ গোচৰৰ বিচাৰ প্ৰক্ৰিয়া।ছিংগাপুৰ আৰক্ষীয়েও প্ৰাণৰ শিল্পীগৰাকীৰ মৃত্যুক লৈ কৰিছিল তদন্ত। অৱশ্যে প্ৰাথমিক তদন্তত জুবিন গাৰ্গৰ মৃত্যুৰ কোনো অস্বাভাৱিক পোৱা নাছিল ছিংগাপুৰ আৰক্ষীয়ে।
কামৰূপ মহানগৰ জিলা সত্ৰ ন্যায়াধীশ আদালততো চলি আছে জুবিন গাৰ্গৰ মৃত্যুৰ গোচৰৰ বিচাৰ প্ৰক্ৰিয়া। ১৭ জানুৱাৰীত আছে গুৱাহাটী ছেছন কোৰ্টত আছে গোচৰটোৰ চতুৰ্থটো শুনানি।
হাৰ্টথ্ৰ’ৱ জুবিন গাৰ্গৰ ন্যায়ৰ দাবীৰে এতিয়াও অব্যাহত আছে ডিজিটেল প্ৰতিবাদ। ফেচবুকত ৭.২ মিলিয়ন অতিক্ৰম কৰিছে #JusticeForZubeenGarg হেছটেগৰ সংখ্যাই।
