পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• সমাগত ২৬ৰ বিধানসভা নিৰ্বাচন। মছজিদ-মাদ্ৰাছাত বিজেপিয়ে আৰম্ভ কৰিছে নিৰ্বাচনী প্ৰচাৰ সভা। বিজেপিৰ আদৰ্শৰ প্ৰতি আকৃষ্ঠ হৈছে সংখ্যালঘু ৰাইজ। এইবাৰ ধিং সমষ্টি AIUDFৰ পৰা উদ্ধাৰ কৰি বিজেপিক উপহাৰ দিয়াৰ প্ৰতিশ্ৰুতি মুছলমান লোকৰ। মাদ্ৰাছাত অনুষ্ঠিত নিৰ্বাচনী সভাত ‘ভাৰত মাতা কি জয়’ ধ্বনি দিয়ে সংখ্যালঘু ৰাইজে। একেলগে ১০০০ গৰাকী মুছলমান লোকে যোগ দিয়ে বিজেপিত।
• নিশা মহানগৰীৰ গুৱাহাটীৰ উচ্চ ন্যায়ালয়ৰ সমীপত ভয়ংকৰ পথ দুৰ্ঘটনা। মুখ্য ন্যায়াধীশৰ বাসগৃহৰ সন্মুখত সংঘটিত হৈছে এই দুৰ্ঘটনা। থিতাতে নিহত হয় এগৰাকী যুৱতী। যুৱতীগৰাকীৰ ঘৰ আছি ফটাশিল আমবাৰীত। জানিব পৰা মতে, বাহনখনত আছিল মুঠ ৫ গৰাকী লোক। চালকৰ আসনত আছিল কায়ম চৈয়দ। ইতিমধ্যে বাহনখনৰ চালকজনক আটক কৰা হৈছে।
• হাইলাকান্দিত অব্যাহত উচ্ছেদ অভিযান। দ্বিতীয় দিনাও ঘাড়মুৰা সংৰক্ষিত বনাঞ্চলত চলিছে প্ৰসাশনৰ বুলড’জাৰ। ৮০০ বিঘা বেদখলকৃত চৰকাৰী ভূমি সংৰক্ষণৰ লক্ষ্যৰে এই উচ্ছেদ অভিযান। উচ্ছেদ চলা এলেকাৰ সকলো বিদ্যালয় বন্ধ ঘোষণা প্ৰশাসনৰ। ৩৫ খন এক্সকেভেটৰেৰে প্ৰশাসনৰ উচ্ছেদ অভিযান আৰম্ভ। মোতায়েন কৰা হৈছে ১৫০০ৰো অধিক নিৰাপত্তাৰক্ষী। উচ্ছেদস্থলীত সষ্টম ২ শতাধিক বন বিভাগৰ কৰ্মী।
• অৱশেষত ভাৰতৰ সমুখত সেওঁ মানিলে আমেৰিকাই। শুল্ক হ্ৰাস কৰিবলৈ বাধ্য হ’ল ট্ৰাম্প। ভাৰতীয় সামগ্ৰীৰ ওপৰত শুল্ক হ্ৰাস কৰিলে আমেৰিকাই। প্ৰধানমন্ত্ৰী মোদীৰ সৈতে হোৱা বাৰ্তালাপৰ পাছতে এই ঘোষণা ড’নাল্ড ট্ৰাম্পৰ। প্ৰধানমন্ত্ৰী মোদীক ভাল বন্ধু বুলি সামাজিক মাধ্যমত উল্লেখ ট্ৰাম্পৰ। ভাৰতে ৰাছিয়াৰ পৰা তেল ক্ৰয় নকৰে বুলি সামাজিক মাধ্যমত দাবী মাৰ্কিন ৰাষ্ট্ৰপতিৰ।