টি-২০ বিশ্বকাপ প্ৰতিযোগিতাত ভাৰতৰ বিৰুদ্ধে খেলিবলৈ অস্বীকাৰ কৰিছে পাকিস্তানে। ইয়াৰ ফলত ক্ৰিকেটপ্ৰেমীৰ মাজত এক বিতৰ্কিত পৰিবেশৰো সৃষ্টি হৈছে।
পাকিস্তানৰ এজন ব্যক্তিয়ে সামাজিক মাধ্যমত কয় যে ভাৰত আৰু পাকিস্তানৰ মাজত অনুষ্ঠিত হ’বলগীয়া ক্ৰিকেট খেলখনৰ খৰচ প্ৰায় ২৩ বিলিয়ন টকা হ’ব বুলি অনুমান কৰা হৈছিল। যদি পাকিস্তানে নিজৰ সিদ্ধান্তত অটল থাকে আৰু ১৫ ফেব্ৰুৱাৰীত ভাৰতৰ বিৰুদ্ধে খেলিব নোৱাৰে তেন্তে বৃহৎ বিতৰ্কৰ সৃষ্টি হ’ব আৰু ২৩ বিলিয়ন টকা জৰিমনা ভৰিব লাগিব।
পিছে ইয়াৰ পিছতো পাকিস্তানৰ জনসাধাৰণে পাকিস্তানৰ ক্ৰিকেট দলে লোৱা খেল বৰ্জনৰ সিদ্ধান্ত একেবাৰে শুদ্ধ বুলি মন্তব্য কৰে। ইয়াৰোপৰি ICCক সমালোচনা কৰি এজন পাকিস্তানে কয় যে, ICCয়ে এতিয়া নিৰপেক্ষ সংগঠন হিচাপে কাম নকৰে, বৰঞ্চ ভাৰতীয় ক্ৰিকেট পৰিষদত পৰিণত হৈছে। কিয়নো ভাৰতীয় ক্ৰিকেট ব’ৰ্ডে ICCৰ ৰাজহৰ এক উল্লেখযোগ্য অংশ অৱদান আগবঢ়ায়। ফলস্বৰূপে আন ক্ৰিকেট ব’ৰ্ডৰ উদ্বেগক গুৰুত্বসহকাৰে লোৱা নহয়। আন এগৰাকী পাকিস্তানীয়ে কয় যে, পাকিস্তানৰ এই সিদ্ধান্ত আত্মসন্মানৰ বিষয়, আৰু ভৱিষ্যতে ICCয়ে স্বীকাৰ কৰিব লাগিব যে পাকিস্তান অবিহনে ক্ৰিকেট অসম্পূৰ্ণ।
পাকিস্তানে কয় যে, ভাৰতৰ সৈতে পাকিস্তানৰ খেল বৰ্জনৰ ফলত প্ৰতিযোগিতাখনৰ বাবে ICCৰ পৰা পোৱা ধন হ্ৰাস পাব পাৰে। উদাহৰণস্বৰূপে, যদি পাকিস্তানে ৫০ কোটি টকা পোৱাৰ কথা আছিল, তেন্তে হয়তো ৩৫ কোটি টকা পাব, কিন্তু ইয়াক বিশেষ লোকচান বুলি গণ্য কৰা নহয়।
পিছে প্ৰকৃত লোকচান ভাৰত-পাকিস্তানৰ মেচত যথেষ্ট বিনিয়োগ কৰা আইচিচি আৰু ভাৰতীয় সম্প্ৰচাৰকসকলে বহন কৰিব বুলি কোৱা হৈছে। কোৱা হয় যে এই মেচখনৰ প্ৰতি মিনিটৰ বিজ্ঞাপনৰ মূল্য কোটি কোটি। পাকিস্তানে যুক্তি দিছে যে এই প্ৰতিযোগিতাখন তেওঁলোকৰ ঘৰুৱা প্ৰতিযোগিতা নহয়, গতিকে আৰ্থিক লোকচান সীমিত হ’ব।
