১২ ফেব্ৰুৱাৰীত দিল্লীৰ অৰুণ জেটলী ষ্টেডিয়ামত ভাৰত আৰু নামিবিয়াৰ মাজত অনুষ্ঠিত হয় ICC টি-২০ বিশ্বকাপ ২০২৬ৰ খেলখন। ৯৩ ৰানৰ বৃহৎ ব্যৱধানত জয়লাভ কৰে টীম ইণ্ডিয়াই। ইয়াৰ লগে লগে টিম ইণ্ডিয়াইও প্ৰতিযোগিতাখনৰ একেৰাহে দ্বিতীয়খন মেচত জয়লাভ কৰে।
এই টি-২০ বিশ্বকাপত এতিয়ালৈকে টীম ইণ্ডিয়াই ভাল আৰম্ভণি কৰিছে। প্ৰতিযোগিতাখনৰ প্ৰথমখন মেচত ভাৰতে আমেৰিকাক ২৯ ৰাণত পৰাস্ত কৰে।
টি-২০ বিশ্বকাপত ভাৰতৰ ৫টা বৃহৎ জয়
- ভাৰত বনাম নামিবিয়া
ভাৰত আৰু শ্ৰীলংকাই যৌথভাৱে আয়োজন কৰা চলি থকা ICC টি-২০ বিশ্বকাপ ২০২৬ত ৰানৰ ক্ষেত্ৰত টীম ইণ্ডিয়াই সৰ্বাধিক জয়লাভ কৰে। দিল্লীত নামিবিয়াৰ বিৰুদ্ধে ভাৰতীয় দলটোৱে ৯৩ ৰানৰ বিশাল জয় পঞ্জীয়ন কৰি টি-২০ বিশ্বকাপৰ ইতিহাসত ৰানৰ ক্ষেত্ৰত ভাৰতৰ সৰ্ববৃহৎ জয়।
- ইংলেণ্ড বনাম ভাৰত
২০১২ চনৰ ICC টি-২০ বিশ্বকাপত কলম্বোৰ আৰ প্ৰেমাদাছা ষ্টেডিয়ামত ভাৰত আৰু ইংলেণ্ডৰ মাজত খেলখন অনুষ্ঠিত হৈছিল। ইংৰাজ দলটোক ৯০ ৰানৰ বিশাল ব্যৱধানত পৰাস্ত কৰে টীম ইণ্ডিয়াই। টি-২০ বিশ্বকাপৰ ইতিহাসত ৰানৰ ক্ষেত্ৰত ভাৰতৰ এয়া দ্বিতীয় সৰ্বাধিক জয়।
- ভাৰত বনাম অষ্ট্ৰেলিয়া
২০১৪ চনৰ ICC টি-২০ বিশ্বকাপত ভাৰত আৰু অষ্ট্ৰেলিয়াৰ মাজৰ খেলখন মিৰপুৰত অনুষ্ঠিত হৈছিল। এই খেলখনত টীম ইণ্ডিয়াই ৭৩ ৰানত জয়লাভ কৰে, যিটো টি-২০ বিশ্বকাপৰ ইতিহাসত ৰানৰ ক্ষেত্ৰত ভাৰতৰ তৃতীয় সৰ্বাধিক জয়।
- জিম্বাবুৱে বনাম ভাৰত
ভাৰত আৰু জিম্বাবুৱেৰ মাজত অনুষ্ঠিত হোৱা ICC টি-২০ বিশ্বকাপ ২০২২ৰ খেলখনত টীম ইণ্ডিয়াই ৭১ ৰানত জয়লাভ কৰে। এই খেলখন মেলবৰ্ণ ক্ৰিকেট খেলপথাৰত অনুষ্ঠিত হৈছিল। জিম্বাবুৱেৰ বিৰুদ্ধে ভাৰতে ৭১ ৰানত জয়লাভ কৰি টি-২০ বিশ্বকাপৰ ইতিহাসত ৰানৰ ক্ষেত্ৰত ভাৰতৰ চতুৰ্থ সৰ্বাধিক জয়।
- ভাৰত বনাম ইংলেণ্ড
প্ৰভিডেন্সত অনুষ্ঠিত হৈছিল ICC টি-২০ বিশ্বকাপ ২০২৪ৰ ছেমি ফাইনেল খেলখন ভাৰত আৰু ইংলেণ্ডৰ মাজত। এই মেচত টীম ইণ্ডিয়াই ইংৰাজ দলক ৬৮ ৰানত পৰাস্ত কৰে, যিটো টি-২০ বিশ্বকাপৰ ইতিহাসত ৰানৰ ক্ষেত্ৰত ভাৰতৰ পঞ্চম সৰ্বাধিক জয়।
