পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• কংগ্ৰেছৰে মিত্ৰতাৰ পাছতে ৩ সমষ্টিত ৰাইজৰ দলৰ প্ৰাৰ্থীৰ প্ৰাৰ্থিত্ব প্ৰত্যাহাৰ। জালুকবাৰী, নাওবৈচা, ধেমাজিৰ ৰাইজৰ দলৰ প্ৰাৰ্থীৰ প্ৰাৰ্থিত্ব প্ৰত্যাহাৰ। নিশা সংশোধিত প্ৰাৰ্থী তালিকা ঘোষণা ৰাইজৰ দলৰ। জালুকবাৰী সমষ্টিৰ ৰমেন বৰঠাকুৰ, নাওবৈচাত হৰিকান্ত দাস, ধেমাজিত বাবুল সোনোৱালৰ প্ৰাৰ্থিত্ব প্ৰত্যাহাৰ। তিনিওটা সমষ্টিতে কংগ্ৰেছে প্ৰক্ষেপ কৰিব প্ৰাৰ্থী।
• বিজেপিৰ ৰাজ্যিক কাৰ্যালয়ত বিশেষ সভা সম্পন্ন। নিৰ্বাচনী ৰণকৌশল, সাংগঠনিক ভেটি শক্তিশালী কৰাৰ উদ্দেশ্যে এই বৈঠক। বৈঠকৰ অন্তত কেইবাটাও গুৰুত্বপূৰ্ণ মন্তব্য মুখ্যমন্ত্ৰী হিমন্ত বিশ্ব শৰ্মাৰ। টিকট বঞ্চিত, নতুনকৈ টিকট লাভ কৰা প্ৰাৰ্থী সন্দৰ্ভত সাংবাদিকৰ প্ৰশ্নতো প্ৰতিক্ৰিয়া প্ৰকাশ মুখ্যমন্ত্ৰীৰ। কংগ্ৰেছৰ প্ৰাৰ্থী তালিকা চাই আৰু অধিক আত্মবিশ্বাসী হোৱা বুলি মন্তব্য কৰে মুখ্যমন্ত্ৰীয়ে। লগতে তেওঁ কংগ্ৰেছৰ প্ৰাৰ্থী তালিকা দুৰ্বল বুলি আওপকীয়াকৈ মন্তব্য কৰে।
• পঞ্জাৱৰ লুধিয়ানাত চেইন স্নেচিঙৰ কাণ্ড অবিৰতভাৱে অব্যাহত আছে। শেহতীয়াকৈ এই ঘটনা সংঘটিত হৈছে সদৰ থানা এলেকাত। এক্টিভা গাড়ীত উঠি অহা এজন যুৱকে দিনৰ পোহৰত এগৰাকী মহিলাক লক্ষ্য কৰি লৈ তেওঁৰ সোণৰ চেইন কাঢ়ি লৈ ​​পলায়ন কৰে। সদৰ থানাৰ আৰক্ষীয়ে অভিযুক্তক চিনাক্ত কৰিবলৈ অঞ্চলটোৰ চিচিটিভি ফুটেজ পৰীক্ষা কৰি আছে।
• মধ্যপ্ৰাচ্যত অব্যাহত থকা উত্তেজনাৰ মাজতে ইৰানে ভাৰত মহাসাগৰত থকা আমেৰিকা-ব্ৰিটিছ ঘাটি ডিয়েগো গাৰ্চিয়াত দুটা ইণ্টাৰমিডিয়েট ৰেঞ্জ বেলিষ্টিক মিছাইল (আই আৰ বি এম)ৰে আক্ৰমণ কৰে। এই ক্ষেপণাস্ত্ৰ আক্ৰমণে বিশ্বক স্তম্ভিত কৰি তুলিলে, কিয়নো ইৰাণৰ পৰা প্ৰায় ৪ হাজাৰ কিলোমিটাৰ দূৰত্বত ডিয়েগো গাৰ্চিয়া। ইফালে ইৰাণৰ ৰাষ্ট্ৰপতি মাছুদ পেজেছকিয়ানে প্ৰধানমন্ত্ৰী নৰেন্দ্ৰ মোদীৰ সৈতে আলোচনা কৰি ইজৰাইল আৰু আমেৰিকাৰ সৈতে চলি থকা যুদ্ধৰ অন্ত পেলোৱাৰ চৰ্ত উল্লেখ কৰে।