জল্পনা-কল্পনাৰ অন্ত পেলাই আজি বিধানসভা নিৰ্বাচনৰ ভোটগণনা। ৰাজ্যৰ ১২৬টা সমষ্টিত পুৱা ৮ বজাৰ পৰা আৰম্ভ হ’ব ভোটগণনা। হাইভল্টেজ নিৰ্বাচনী যুঁজৰ পিছত আজি অসমত নতুন চৰকাৰ গঠনৰ কাউণ্ট-ডাউন। মুকলি হ’ব EVMত বন্দী হৈ থকা প্ৰাৰ্থীৰ ভাগ্য।
উল্লেখযোগ্য যে ১২৬টা সমষ্টিত ৭২২গৰাকী প্ৰাৰ্থীৰ ভাগ্য নিৰ্ণয় হ’ব আজি। ৭২২ প্ৰাৰ্থীৰ ভিতৰত পুৰুষ প্ৰাৰ্থীৰ সংখ্যা ৬৬৩গৰাকী আৰু মহিলা প্ৰাৰ্থীৰ সংখ্যা ৫৯গৰাকী। ২ কোটি ৪৯ লাখ ৫৮ হাজাৰ ১৩৯গৰাকী ভোটাৰে নিৰ্ণয় কৰিব ৭২২ প্ৰাৰ্থীৰ ভাগ্য।
উল্লেখযোগ্য যে ৪০টা কেন্দ্ৰত সম্পন্ন হ’ব ভোটগণনা। পুৱা ৮ বজাৰ লগে লগে মউৰাম দেৱান ট্ৰেড চেণ্টাৰত কামৰূপ মহানগৰৰ ৫ টাকৈ সমষ্টিৰ ভোটগণনা আৰম্ভ হ’ব।
লগতে আজি ঘোষণা হ’ব অসমসহ ৫ৰাজ্যৰ বিধানসভা নিৰ্বাচনৰ ফলাফল। অসমৰ লগতে পশ্চিমবংগ, তামিলনাডু, কেৰলম, পুডুচেৰীতো হ’ব ভোটগণনা।
