সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
আজিৰ পৰা আৰম্ভ হ’ব জুবিন গাৰ্গৰ হত্যাৰ গোচৰৰ বিচাৰ প্রক্রিয়া। চাৰ্জফ্রেমৰ পাছতে ফাষ্টট্রেক আদালতত আৰম্ভ হ’ব বিচাৰ প্রক্রিয়া। প্রতিদিনে সাক্ষ্য গ্রহণ কৰিব আদালতে। মুঠ ৩৯৪ গৰাকী লোকে সাক্ষ্যদান কৰিব ফাষ্ট ট্রেক আদালতত।
ৰাজ্যত ভূঁইকঁপৰ জোকাৰণি। উৎপত্তি স্থল ভূটানৰ পুনাখাৰ পৰা ৫ কিলোমিটাৰ নিলগত। ভূটান, নেপাল, বাংলাদেশতো অনুভূত জোকাৰণি।৫.৬ প্ৰাবল্যৰ ভূমিকম্পত কঁপি উঠিল ৰাজ্য! মুহূৰ্ততে সৃষ্টি আতংকময় পৰিস্থিতি।
অসমত পুনৰ অনা-অসমীয়াৰ দপ্দপনি।বিহাৰীৰ হাতত লাঞ্ছিত অসমৰ সন্তান।গুৱাহাটীত অসমীয়াৰ ওপৰত আক্ৰমণ বিহাৰীৰ বাহিনীৰ। ঘটনাৰ স্থান মহানগৰীৰ আৰ্য নগৰ।গুৱাহাটীত অসমীয়াৰ ওপৰত জঁপিয়াই পৰিল অনা-অসমীয়া। অসমতে অসমীয়াক ‘গো বেক’ ধ্বনি। আক্ৰমণকাৰীৰ অন্যতম আলোক ত্ৰিপাঠী। গুৱাহাটীৰ জিতেন্দ্ৰ শালৈক অনা-অসমীয়াই প্ৰহাৰ কৰা ঘটনা সন্দৰ্ভত গৰজি উঠিল অসমীয়া যুৱ মঞ্চ।
জয়পুৰৰ মালবিয়া নগৰত নুৰাণী মছজিদকে ধৰি চাৰিটা ধৰ্মীয় স্থানত প্ৰস্তাৱিত বুলডজাৰ কাৰ্যকলাপৰ বাবে এক উত্তেজনাপূৰ্ণ পৰিস্থিতিৰ সৃষ্টি হৈছে। জয়পুৰ উন্নয়ন কৰ্তৃপক্ষই পুৱা প্ৰায় ৭ বজাৰ পৰা ভাঙি পেলোৱা অভিযান আৰম্ভ কৰাৰ সম্ভাৱনা আছে। প্ৰশাসনে সমগ্ৰ অঞ্চলটো নিৰাপত্তাৰ আৱৰণত ৰাখি এই কাৰ্য্যৰ পূৰ্বে গধুৰ আৰক্ষী বাহিনী মোতায়েন কৰিছে।
ইজৰাইল আৰু লেবাননৰ মাজত চলি থকা সংঘাত আৰু উত্তেজনাৰ মাজতে ৭ জুনত এক নতুন পৰিঘটনাৰ সৃষ্টি হয়। লেবাননৰ ৰাজধানী বেইৰুটৰ দক্ষিণ উপকণ্ঠ অঞ্চলত সন্ত্ৰাসবাদী আত্মগোপন স্থানত আক্ৰমণ চলালে ইজৰাইলৰ সেনাই। এই অঞ্চলটোক হিজবুল্লাহৰ দুৰ্গ বুলি গণ্য কৰা হয় আৰু ইয়াক দহিয়েহ নামেৰে জনা যায়। অৱশ্যে ১৬ এপ্ৰিলত আমেৰিকাৰ দালালিত যুদ্ধবিৰতিৰ পিছত বেইৰুটৰ দক্ষিণ উপকণ্ঠ অঞ্চলত এইটোৱেই প্ৰথম আক্ৰমণ।
