৫ জুনত হ’ব অসম চৰকাৰৰ মন্ত্ৰীসভাৰ সম্প্ৰসাৰণৰ কাম। খোদ মুখ্যমন্ত্ৰী ড০ হিমন্ত বিশ্ব শৰ্মাই এই কথা ঘোষণা কৰি কেবিনেট সম্প্ৰসাৰণক লৈ সুখ প্ৰকাশ কৰে।
অসমৰ মুখ্যমন্ত্ৰী ড০ হিমন্ত বিশ্ব শৰ্মাই ছ’চিয়েল মিডিয়াত পোষ্ট কৰি কয় যে, অসম চৰকাৰৰ মন্ত্ৰীসভাৰ সম্প্ৰসাৰণ ২০২৬ চনৰ ৫ জুনত হ’ব বুলি আপোনালোকক জনাবলৈ পাই আনন্দিত হৈছো।”
শেহতীয়াকৈ সমাপ্ত হোৱা অসম বিধানসভাৰ নিৰ্বাচনত বৃহৎ জয়ৰে পুনৰ ক্ষমতালৈ আহিছে বিজেপি। এই নিৰ্বাচনত ড০ হিমন্ত বিশ্ব শৰ্মাৰ নেতৃত্বত বিজেপিয়ে জয়লাভ কৰে। ১২৬ জনীয়া অসম বিধানসভাত এন ডি এয়ে একেৰাহে তৃতীয়বাৰৰ বাবে আসন দখল কৰিবলৈ সক্ষম হয়। বিজেপিয়ে ৮২খন আসন লাভ কৰাৰ বিপৰীতে ইয়াৰ মিত্ৰ দল অসম গণ পৰিষদ আৰু বড়োলেণ্ড পিপলছ ফ্ৰণ্টে ১০খনকৈ আসন লাভ কৰে।
মুখ্যমন্ত্ৰী হিমন্ত বিশ্ব শৰ্মাই ৮৯ হাজাৰ ভোটত জয়লাভ কৰে। ইয়াৰ পিছত ২০২৬ চনৰ ১২ মে’ত একেৰাহে দ্বিতীয়বাৰৰ বাবে মুখ্যমন্ত্ৰী হিচাপে শপত গ্ৰহণ কৰে। ড০ হিমন্ত বিশ্ব শৰ্মাই প্ৰথমে ২০২১ চনত মুখ্যমন্ত্ৰী হিচাপে কাৰ্যভাৰ গ্ৰহণ কৰিছিল।
