ৰাতি সোনকালে শুই ৰাতিপুৱা সোনকালে শুই উঠাটো স্বাস্থ্যৰ পক্ষে যথেষ্ট উপকাৰী। বহুসময়ত ৰাতিপুৱা সাৰ পোৱাৰ পাছত আমাৰ মগজুত যথেষ্ট উত্তেজনা থাকে। সেয়েহে ৰাতিপুৱা এনে কিছুমান অভ্যাস গঢ়ি তুলিব লাগে, যিয়ে গোটেই দিনটো আমাৰ বাবে সতেজ কৰি তোলে। এই অভ্যাসসমূহ হৈছে-
১. প্ৰচুৰ পৰিমানে পানী গ্ৰহণ
সদায় ৰাতিপুৱা বিচনা এৰাৰ পাছতেই এগিলাচ পানী খাব লাগে। যদি সম্ভৱ হয়, কুহুমীয়া পানী সেৱন কৰা উচিত। পানীয়ে শৰীৰটোক হাইড্ৰেট কৰি ৰাখে। ৰাতিপুৱা সোনকালে পানী খোৱাটো হৈছে শৰীৰক ডিটক্স কৰাৰ সৰ্বশ্ৰেষ্ঠ উপায়, কিয়নো প্ৰস্ৰাৱ কৰাৰ সময়ত ই আমাৰ শৰীৰৰ সকলোবোৰ বীজাণু আঁতৰ কৰি নিয়ে।
২. সূৰ্যৰ পোহৰ
দিনটো আৰম্ভ কৰাৰ সৰ্বশ্ৰেষ্ঠ উপায় হ’ল ৰ’দত খোজকঢ়া। ৰাতিপুৱাৰ কুমলীয়া ৰ’দে আমাৰ স্বাস্থ্যৰ বাবে আশ্চৰ্যকৰ কাম কৰিব পাৰে। কোমল হেঙুলীয়া সূৰ্যৰ পোহৰ ক্ষতিকাৰক ইউভি ৰশ্মিৰ পৰা বঞ্চিত। ইয়াৰ উপৰি ইয়াত ভিটামিন ডি থাকে বাবে, ই আমাৰ শৰীৰৰ হাড় শক্তিশালী কৰাৰ লগতে ৰোগ প্ৰতিৰোধ প্ৰণালী বৃদ্ধি কৰা, ৰক্ত সঞ্চালন উন্নত কৰা, আৰু শৰীৰক ফছফৰাছ আৰু কেলচিয়ামৰ দৰে অন্যান্য খনিজ পদাৰ্থৰ যোগান কৰাত সহায় কৰে।
ইয়াৰ উপৰিও, ১০-১২ ঘণ্টাৰ নিশাৰ অন্ধকাৰ আৰু কৃত্ৰিম পোহৰৰ পিছত, আমাৰ শৰীৰে প্ৰাকৃতিক পোহৰৰ সংস্পৰ্শলৈ আহিব বিচাৰে আৰু ই স্বাভাৱিকতে এণ্ডোৰ্ফিন বা সুখী হৰমনৰ উৎপাদন বৃদ্ধি কৰে।
৩. ধ্যান
ধ্যানে মানুহৰ মন শান্ত কৰি ৰাখিব পাৰে। প্ৰতিদিনে ৰাতিপুৱা যদি ১০ মিনিট সময়ো ধ্যান কৰা হয়, গোটেই দিনটোৰ বাবে ই আমাৰ শৰীৰটোক সুস্থ আৰু সতেজ কৰি ৰখাত সহায় কৰে। ই মনলৈ অহা ঋণাত্মক চিন্তা নিয়ন্ত্ৰণ কৰি দিনটোৰ বাবেই আমাৰ মনটোক শান্ত কৰি ৰাখে।
৪. অধ্যয়ন
অধ্যয়ন হৈছে আত্ম-যত্ন লোৱাৰ এক উপায়। ৰাতিপুৱা যদি আধাঘণ্টাও অধ্যয়ণ কৰা হয়, ই আমাৰ মনৰ উদ্বিগ্ন চিন্তা হ্ৰাস কৰাৰ লগতে আমাৰ মনোযোগ বৃদ্ধি কৰে আৰু আগন্তুক দিনটোৰ বাবে আমাক শাৰীৰিক তথা মানসিকভাৱে প্ৰস্তুত কৰি ৰখাত সহায় কৰে। আচলতে ৰাতিপুৱা অধ্যয়ন কৰাটো নিজকে সমৃদ্ধ কৰি ৰখাৰ এক উপায়।
৫. ইতিবাচক চিন্তা
জীৱনৰ যাত্ৰাত আমি প্ৰায়ে বহুতো প্ৰত্যাহ্বানৰ সন্মুখীন হওঁ, যিয়ে আমাৰ স্থিতিস্থাপকতা আৰু সংকল্পৰ পৰীক্ষা লয়। এনে সময়ত, ইতিবাচক চিন্তা ধাৰণ কৰাটো আমাৰ আটাইতকৈ ডাঙৰ সহযোগী হ’ব পাৰে। ইতিবাচক চিন্তা কেৱল ৰৌদ্ৰ দৃষ্টিভংগী বজাই ৰখায়েই নহয়, ই মানুহৰ আত্মবিশ্বাস বৃদ্ধি কৰাত সহায় কৰে। সেয়েহে প্ৰতিটো ৰাতিপুৱা কিছু ইতিবাচক চিন্তাৰে আৰম্ভ কৰিব লাগে।
