ভাৰতীয় ক্ৰিকেট দলৰ তাৰকা অলৰাউণ্ডাৰ হাৰ্দিক পাণ্ডিয়াৰ প্ৰেমত আন এগৰাকী অভিনেত্ৰী। বিগত জুলাই মাহত ক্ৰিকেটাৰগৰাকীৰ প্ৰাক্তন পত্নী নাতাশা ষ্টানকোভিকৰ লগত বিবাহ বিচ্ছেদ হৈছিল।
বিবাহ বিচ্ছেদৰ পিছৰে পৰা অৰ্থাত জুলাই মাহৰ পৰা বৰ্তমান পৰ্যন্ত ক্ৰিকেটাৰগৰাকীৰ নামত ৩ গৰাকী অভিনেত্ৰীৰ সৈতে সম্পৰ্ক হোৱাৰ খবৰ বিয়পি পৰিছিল।
ইয়াৰ মাজতে অনন্ত আম্বানী আৰু ৰাধিকা মাৰ্চেণ্টৰ বিয়াৰ সময়ত অনন্যা পাণ্ডেৰ সৈতে তেওঁৰ সম্পৰ্কৰ খবৰটোৱে অধিক চৰ্চা লাভ কৰিছিল। তাৰ কেইদিনমানৰ আগতে অভিনেত্ৰী জেছমিন ৱালিয়াৰ সৈতেও ডেটিং কৰাৰ খবৰ পোৱা গৈছিল।
শেহতীয়াকৈ বলীউডৰ অভিনেত্ৰী ঈশিতা ৰাজে পাণ্ডিয়াক প্ৰেমৰ প্ৰস্তাব আগবঢ়োৱা খবৰ ইতিমধ্যে সামাজিক মাধ্যমত বিয়পি পৰিছে।
উল্লেখ্য যে, ২০২৪ বৰ্ষৰ আই পি এলৰ পৰাই বাতৰিৰ শিৰোণাম দখল কৰি আছে হাৰ্দিক পাণ্ডিয়াই। ৰোহিত শৰ্মাৰ সৈতে অধিনায়কত্বৰ বিবাদৰ বাবে তেওঁ কেইবাদিনো চৰ্চাত আছিল। ইয়াৰ পিছত টি-২০ বিশ্বকাপ ২০২৪ ত বিজয়ৰ নায়ক হৈ পৰিছিল।
কিন্তু তাৰ কেইদিনমানৰ পিছতে তেওঁলোকৰ বিবাহ বিচ্ছেদৰ বাতৰিটোৱে দখল কৰিছিল সংবাদ মাধ্যমৰ শিৰোনাম। ইয়াৰ পিছতে শেহতীয়াকৈ বলীউডৰ অভিনেত্ৰী ঈশিতা ৰাজে ক্ৰিকেটাৰ হাৰ্দিক পাণ্ডিয়াক নিজৰ ক্ৰাছ বুলি অভিহিত কৰিছে।
অভিনেত্ৰীগৰাকীয়ে নিজৰ এটা সাক্ষাতকাৰ এস্কৰ জৰিয়তে শ্বেয়াৰ কৰি কয়, ‘তেওঁ এজন ভাল ক্ৰিকেট অলৰাউণ্ডাৰ। তেওঁৰ খেল উপভোগ কৰাটো এটা আমোদজনক অভিজ্ঞতা। মই তেওঁক ভাল পাওঁ। সচাঁকৈয়ে, তেওঁ মোৰ প্ৰিয়। অন্য ক্ৰিকেটাৰসকলৰ মাজৰ এজন’।
হাৰ্দিক পাণ্ডিয়াৰ প্ৰতি প্ৰেম প্ৰকাশ কৰা ঈশিতা পাণ্ডিয়াৰ তুলনাত ৪ বছৰ ডাঙৰ। পাণ্ডিয়াৰ বয়স ৩০ বছৰ, ঈশিতাৰ বয়স ৩৪ বছৰ। ঈশিতাৰ ঘৰ দিল্লীৰ আৰু গাৰ্গী কলেজৰ পৰা স্নাতক হোৱাৰ পিছত ইংলেণ্ডত বাণিজ্যিক শাখাত অধ্যয়ন কৰিছিল।
ঈশিতাই ২০১১ চনত ‘প্যাৰ কা পাঞ্চনামা’ চলচ্চিত্ৰৰ জৰিয়তে বলীউডত আত্মপ্ৰকাশ কৰিছিল। ইয়াৰ পিছত, তেওঁ ‘চনু কে টিটু কি চুইটি’ৰ দৰে বিখ্যাত চলচ্চিত্ৰত কামতো অংশগ্ৰহণ কৰে। বৰ্তমানলৈ ঈশিতাই ৯ খন চলচ্চিত্ৰ ছবিত অভিনয় কৰিছে।
