পুৱাৰ আহাৰ অবিহনে, এজন ব্যক্তিৰ দৈনন্দিন ৰুটিন অসম্পূৰ্ণ বুলি গণ্য কৰা হয়।কিছুমান মানুহে খাবলৈ ইমানেই ভাল পায় যে, তেওঁলোকে পুৱাও মচলাযুক্ত আহাৰেই গ্ৰহণ কৰে। ইয়াৰ বাবে, তেওঁলোকৰ ওজনো বৃদ্ধি হোৱাৰ সম্ভাৱনা থাকে।
এনে পৰিস্থিতিত, ব্যক্তি এজনে মচলাযুক্ত খাদ্য পৰিহাৰ কৰা উচিত। পুৱাৰ ব্ৰেকফাষ্টত গ্ৰহণ কৰা এবিধ ভাল জলপান হৈছে পোহা। পোহাক এক স্বাস্থ্যকৰ আৰু সুস্বাদু পুৱাৰ আহাৰ বুলি গণ্য কৰা হয়। ই ওজন হ্ৰাস কৰাৰ বাবেও উপযুক্ত। ই স্বাস্থ্যৰ বাবে যথেষ্ট উপকাৰী বুলি প্ৰমাণিত হ’ব পাৰে।
পোহা হৈছে মুখ্যতঃ কাৰ্বোহাইড্ৰেটৰ উৎস।
পোহা কেনেদৰে বনাব লাগে
পোহা বনাবলৈ, প্ৰথমে, ইয়াক পৰিষ্কাৰ পানীৰে ধুব লাগে। তাৰ পিছত ইয়াক কিছু সময়ৰ বাবে শুকুৱাবলৈ ৰাখিব লাগে। পোহা কোমল হোৱাৰ লগে লগে, ইয়াত নিমখ, হালধি আৰু অলপ চেনী যোগ কৰি ল’ব। চেনীৰ পৰিমাণ মনত ৰখাটো গুৰুত্বপূৰ্ণ, কিয়নো ই কেৱল সৰল কাৰ্বোহাইড্ৰেটৰ উৎসয়েই নহয়, পোহাৰ কেলৰিও বৃদ্ধি কৰিব পাৰে।
ইয়াৰ পিছত, পানীখিনি এটা পেনত গৰম হবলৈ দিয়ক। পিছত ইয়াক এখন চালনীত লৈ পোহাখিনি ভাপত দিয়ক। এনে কৰাৰ দ্বাৰা, পোহাৰ সোৱাদ বৃদ্ধি হয়। কেৱল এয়াই নহয়, যদি আপুনি বিচাৰে, পোহাত কেঁচা পিয়াজ, বিলাহী, সেউজীয়া জলকীয়া আৰু সেউজীয়া ধনিয়াও যোগ দিব পাৰে, যি পোহাৰ সোৱাদ বৃদ্ধি কৰাৰ লগতে স্বাস্থ্যৰ বাবেও উপকাৰী।
ইয়াৰ বাহিৰেও, পোহা চিনাবাদামৰ সৈতে তেলত ভাজিব লাগে। চিনাবাদাম হৈছে ভাল চৰ্বিৰ এক ভাল উৎস। এই সময়ছোৱাত, আপুনি সৰিয়হৰ গুটি, নৰসিংহ পাত আৰু সেউজীয়া জলকীয়া ইয়াত যোগ দিব পাৰে। এই পদ্ধতি অনুসৰণ কৰি আপুনি বিভিন্ন ধৰণে পোহা বনাব পাৰে। যি মুখৰোচক হোৱাৰ লগতে স্বাস্থ্যৰ পক্ষেও উপকাৰী। ই ওজনো নিয়ন্ত্ৰণত ৰখাত সহায় কৰে।
