দক্ষিণ কোৰিয়াৰ লেখক হেন কাঙে ২০২৪ চনৰ বাবে সাহিত্যৰ নোবেল বঁটা লাভ কৰে। তেওঁ এই বঁটা লাভ কৰিছে তেওঁৰ গভীৰ কাব্যিক গদ্যৰ বাবে। তেওঁৰ গ্ৰন্থসমূহৰ ভিতৰত আছে ‘দ্য ভেজেটেৰিয়ান, দ্য হোৱাইট বুক, হিউমেন এক্টছ আৰু গ্ৰীক লেচনছ’।
‘মানৱ জীৱন সম্বন্ধীয় কথা কবিতা’ৰ বাবে প্ৰদান কৰা হৈছে নোবেল বঁটা। নোবেল বঁটা বিজয়ী হান কাঙৰ জন্ম হৈছিল ১৯৭০ চনত দক্ষিণ কোৰিয়াৰ গোৱাংজু চহৰত। ৯ বছৰ বয়সত তেওঁ পৰিয়ালৰ সৈতে ছিউললৈ স্থানান্তৰিত হৈছিল। সাহিত্যিক পটভূমিৰ পৰা অহা তেখেতৰ পিতৃ এজন বিশিষ্ট ঔপন্যাসিক। লেখাৰ সমান্তৰালকৈ তেওঁ শিল্প আৰু সংগীতৰ প্ৰতিও নিজকে উৎসৰ্গা কৰিছে।
২০১৫ চনত প্ৰকাশ পোৱা ‘দ্য ভেজেটেৰিয়ান’ নামৰ উপন্যাসখনৰ বাবে হান কাঙে আন্তঃৰাষ্ট্ৰীয় পৰ্যায়ত বিশেষভাৱে সমাদৰ লাভ কৰিছিল।
১৯৯৩ চনত ‘মুনক গ্ৱা চাহো’ সাহিত্য আৰু সমাজৰ শীতকালীন সংখ্যাত ‘উইণ্টাৰ ইন চিউল’কে ধৰি পাঁচটা কবিতা প্ৰকাশ কৰি কবি হিচাপে সাহিত্য ক্ষেত্ৰত আত্মপ্ৰকাশ কৰে। পিছৰ বছৰত তেওঁ ঔপন্যাসিক হিচাপে নিজৰ কেৰিয়াৰ আৰম্ভ কৰে।
১৯৯৫ চনত য়েওছু (মুঞ্জি পাব্লিছিং কোম্পানী) শীৰ্ষক তেওঁৰ প্ৰথম চুটিগল্প সংকলন প্ৰকাশ কৰে। ১৯৯৮ চনত আৰ্টছ কাউন্সিল কোৰিয়াৰ সহযোগত আইঅ’ৱা বিশ্ববিদ্যালয়ত তিনিমাহ ধৰি আন্তঃৰাষ্ট্ৰীয় লেখা কাৰ্যসূচীত অংশগ্ৰহণ কৰে।