লোকপিয়ল সন্দৰ্ভত ডাঙৰ খবৰ ওলাইছে। চৰকাৰী সূত্ৰৰ উদ্ধৃতি অনুসৰি ২০২৫ ত লোকপিয়ল আৰম্ভ হ’ব বুলি কোৱা হৈছে।
২০২৫ চনত আৰম্ভ হোৱা এই লোকপিয়ল ২০২৬ চনলৈ চলিব। আচলতে ২০২১ চনতেই লোকপিয়ল হ’ব লাগিছিল, যদিও ক’ৰোনা মহামাৰীৰ বাবে পিছুৱাই দিব লগা হৈছিল। কোৱা হৈছে যে, এতিয়া লোকপিয়লৰ চক্ৰটোও সলনি হ’ব।
প্ৰতি ১০ বছৰৰ মূৰে মূৰে অনুষ্ঠিত হোৱা লোকপিয়ল পৰৱৰ্তী সময়ত ২০৩৫ চনত হ’ব। এতিয়ালৈকে ১৯৯১, ২০০১, ২০১১ চনৰ দৰে দশকৰ আৰম্ভণিতে প্ৰতি দহ বছৰৰ মূৰে মূৰে লোকপিয়ল হৈছিল।
ইয়াৰ পিছত পৰৱৰ্তী লোকপিয়ল ২০২১ চনত হ’ব লগা আছিল, যদিও ক’ৰোনা মহামাৰীৰ বাবে লোকপিয়ল হোৱা নাছিল (ডিজিটেলি হৈছিল যদিও)।
এইবাৰ ২০২৫ চনত লোকপিয়ল অনুষ্ঠিত হোৱাৰ পিছতেই পৰৱৰ্তী লোকপিয়ল ২০৩৫, ২০৪৫, ২০৫৫ চনত অনুষ্ঠিত হ’ব। লোকপিয়ল সম্পূৰ্ণ হোৱাৰ পিছতহে লোকসভা আসনৰ সীমা নিৰ্ধাৰণৰ কাম আৰম্ভ হ’ব। ২০২৮ চনৰ ভিতৰত সীমা নিৰ্ধাৰণ প্ৰক্ৰিয়া সম্পূৰ্ণ হোৱাৰ সম্ভাৱনা আছে।
বহু বিৰোধী দলৰ পৰা জাতি লোকপিয়লৰ দাবী উত্থাপন হৈছে, যদিও চৰকাৰে এই সন্দৰ্ভত এতিয়াও কোনো সিদ্ধান্ত লোৱা নাই। লোকপিয়লত ধৰ্ম আৰু শ্ৰেণী সোধা হয়। সাধাৰণ, অনুসূচিত জাতি আৰু জনজাতি গণনা কৰা হয়।
অনুসূচিত জাতিৰ মাজত বাল্মিকী, ৰবিদাসী আদি বিভিন্ন পন্থা আছে, অৰ্থাৎ ধৰ্ম, শ্ৰেণীৰ লগতে পন্থাৰ ভিত্তিত লোকপিয়লৰ দাবীক চৰকাৰে বিবেচনা কৰি আছে।
১৮৭২ চনত গৱৰ্ণৰ জেনেৰেল লৰ্ড মেয়’ৰ শাসনকালত ভাৰতত প্ৰথম লোকপিয়ল কৰা হৈছিল। ভাৰতৰ প্ৰথম সম্পূৰ্ণ লোকপিয়ল ১৮৮১ চনত আয়ুক্ত ডব্লিউ.চি. প্লোডেনে আয়োজন কৰিছিল। ইয়াৰ পিছত ১০ বছৰৰ মূৰে মূৰে এবাৰ হৈ আছিল।
স্বাধীন ভাৰতৰ প্ৰথম লোকপিয়ল ১৯৫১ চনত হৈছিল। ইয়াৰ পিছত ভাৰতত ৬বাৰকৈ লোকপিয়ল হৈছিল।
সেইকেইটা হ’ল- ১৮৭২ চন
১৮৮১ চন
১৮৯১ চন
১৯০১ চন
১৯১১ চন
১৯২১ চন
১৯৩১ চন
১৯৪১ চন
১৯৫১ চনত স্বাধীন ভাৰতৰ প্ৰথম লোকপিয়ল-
১৯৫১ চন
১৯৬১ চন
১৯৭১ চন
১৯৯১ চন
২০০১ চন
২০১১ চন
