আকৌ এবাৰ ছবিগৃহলৈ ঘূৰি আহিব ‘কৰণ-অৰ্জুন’ । আচলতে ৯০ দশকৰ এই আইকনিক ছবিখনৰ পুনৰ মুক্তিৰ তাৰিখ ঘোষণা কৰা হৈছে। এই সন্দৰ্ভত ছলমান খানেও এটা পোষ্ট শ্বেয়াৰ কৰিছে।
আজিকালি বক্স অফিচত মন্দাৱস্থাৰ সৃষ্টি হোৱাৰ সময়তে পুৰণি ছবিবোৰ পুনৰ ছবিগৃহত মুক্তি দিয়াৰ এক নতুন ট্ৰেণ্ড উলাইছে। এতিয়ালৈকে বহুতো ক্লাছিক ছবি ছবিগৃহত পুনৰ মুক্তি পাইছে।
এতিয়া এই তালিকাত ছলমান খান আৰু শ্বাহৰুখ খান অভিনীত ছবি ‘কৰণ-অৰ্জুন’কো অন্তৰ্ভুক্ত কৰা হৈছে। এই ছবিখন । ৯০ দশকৰ এই আইকনিক ছবিখন বক্স অফিচত ব্লকবাষ্টাৰ হৈছিল। আকৌ এবাৰ দৰ্শকক মনোৰঞ্জন দিবলৈ চিনেমা হ’ললৈ আহি আছে ‘কৰণ-অৰ্জুন’।
একে সময়তে ছলমান খানেও ৩০ বছৰৰ পাছত ‘কৰণ অৰ্জুন’ৰ পুনৰ মুক্তিৰ সন্দৰ্ভত ছ’চিয়েল মিডিয়াত পোষ্ট কৰি নিজৰ উত্তেজনা প্ৰকাশ কৰিছে।
ছলমান খানে এই ছবিখনত কৰণৰ চৰিত্ৰত অভিনয় কৰিছিল। আনহাতে শ্বাহৰুখ খানে অৰ্জুনৰ চৰিত্ৰত অভিনয় কৰিছিল।
এতিয়া ২২ নৱেম্বৰত এই ছবিখন পুনৰ চিনেমাগৃহত মুক্তি পাব। ইফালে ছলমান খানে ছবিখনৰ টিজাৰটো নিজৰ এক্স একাউণ্টত শ্বেয়াৰ কৰি ছবিখনৰ প্ৰতি থকা উত্তেজনা প্ৰকাশ কৰিছে। তেওঁ ধেমালিতে লিখিছে, “ৰাখী জীয়ে ছবিখনত ঠিকেই কৈছিল যে, মোৰ কৰণ অৰ্জুন আহিব… ২২ নৱেম্বৰত সকলো চিনেমা হলতে!”
ইফালে ‘কৰণ অৰ্জুন’ৰ পুনৰ মুক্তিক লৈ হৃত্বিক ৰোশনেও উত্তেজনা প্ৰকাশ কৰিছে। এই অভিনেতাজনে ছবিখনত পিতৃৰ সৈতে কেমেৰাৰ আঁৰত কাম কৰিছিল। হৃত্বিকেও এই টিজাৰটো শ্বেয়াৰ কৰে।
আনহাতে অভিনেত্ৰী কাজল আৰু মমতা কুলকাৰ্ণীও এই ছবিখনত অভিনয় কৰিছিল।
