আমাৰ অধিকাংশ লোকৰেই প্ৰায়েই হাত-ভৰি জিনজিনাই থাকে।আমি প্ৰায়েই এই সমস্যাক সাধাৰণ সমস্যা বুলি অৱজ্ঞা কৰো।
প্ৰকৃততে, শৰীৰত পুষ্টিৰ অভাৱ হ’লে হাত-ভৰিত জিনজিননি হয়। ভিটামিন বি ১২ৰ অভাৱত শৰীৰত এই সমস্যাই দেখা দিয়ে। বি ১২য়ে দেবত লোহিত ৰক্ত কণিকা গঠনত সহায় কৰে, যিয়ে শৰীৰৰ বিভিন্ন অংশলৈ অক্সিজেন কঢ়িয়াই আনে।
ই ডিএনএ আৰু আৰএনএ গঠনত এক গুৰুত্বপূৰ্ণ ভূমিকা পালন কৰে। মস্তিষ্কৰ কাৰ্য আৰু মানসিক স্বাস্থ্যৰ বাবেও ভিটামিন বি১২ অত্যাৱশ্যকীয়। ইয়াৰ অভাৱৰ ফলত ৰক্তহীনতা, ভাগৰ আৰু স্নায়বিক সমস্যা হ’ব পাৰে।
ভিটামিন বি ১২-ৰ অভাৱত শৰীৰত দেখা দিয়া সমস্যা-
১) ভিটামিন বি ১২-ৰ অভাৱৰ ফলত শৰীৰত লোহিত ৰক্ত কণিকাৰ সংখ্যা হ্ৰাস হয়, যাৰ ফলত ভাগৰ, দুৰ্বলতা আৰু উশাহ লোৱাত অসুবিধা হ’ব পাৰে।
২) হাত-ভৰিত জিনজিননি, জঠৰতা, ভাৰসাম্য ৰখাত অসুবিধা হ’ব পাৰে। আনকি স্মৃতিশক্তিও হ্ৰাস হ’ব পাৰে।
৩) মানসিক স্বাস্থ্য প্ৰভাৱিত হ’ব পাৰে, যাৰ ফলত মেজাজ সলনি, উদ্বিগ্নতা আৰু হতাশা হ’ব পাৰে।
৪) এই ভিটামিনৰ অভাৱৰ বাবে ছাল হালধীয়া, শুকান বা প্ৰাণহীন হ’ব পাৰে আৰু চুলি সৰাৰো সমস্যা হ’ব পাৰে।
৫) জিভাত ঘাঁ, মুখৰ ঘাঁ আৰু সোৱাদৰ পৰিৱৰ্তনৰ দৰে লক্ষণেও দেখা দিব পাৰে।
কেনেদৰে বৃদ্ধি কৰিব পাৰি ভিটামিন বি১২ পৰিমাণ?
ভিটামিন বি ১২ সমৃদ্ধ আহাৰ, যেনে- মাংস, মাছ, কণী, আৰু দুগ্ধজাত সামগ্ৰী খাব লাগে। যদিহে চিকিৎসকে পৰামৰ্শ দিয়ে, তেন্তে ভিটামিন বি১২ বেজীও ল’ব পাৰে। পৰ্যাপ্ত পৰিমাণৰ ভিটামিন বি১২ বাহাল ৰখাটো শৰীৰৰ বাবে অতি গুৰুত্বপূৰ্ণ, কিয়নো ইয়াৰ অভাৱৰ ফলত গুৰুতৰ স্বাস্থ্য সমস্যা হ’ব পাৰে।
