ৰাহুল গান্ধী জয়ী হোৱা দুখন আসনক লৈ তীব্ৰ চৰ্চা চলিছিল। আজি এখন আসন এৰি দিয়াৰ কথা অধ্যক্ষক জনালে ৰাহুল গান্ধীয়ে। জয়ী হোৱা ৱায়নাড আসনখন এৰা বুলি জানিবলৈ দিলে ৰাহুল গান্ধীয়ে।
লোকসভা নিৰ্বাচনত দুখন আসনৰ এখন আসন এৰিলে ৰাহুল গান্ধীয়ে। নিৰ্বাচনৰ ফলাফলৰ ১৪ দিনৰ ভিতৰত এৰাৰ আছে নিয়ম। ৰাহুল গান্ধীয়ে এইবাৰ লোকসভা নিৰ্বাচনত জয়ী হৈছিল ৰায়বৰেলী আৰু ৱায়নাডত। দুয়োখন আসনৰ এখন আসন এৰি নিদিলে দুয়োখন আসনেই ৰিক্ত বুলি ধৰা হয়। নিয়ম অনুসৰি দুয়োখন আসন জয়ী হোৱাজনে এখন আসন এৰাৰ ছমাহ পিছত সেই আসনখনৰ বাবে উপ নিৰ্বাচন অনুষ্ঠিত হয়। সেই আসনখন এৰাৰ বাবে লোকসভাৰ অধ্যক্ষক লিখিত পত্ৰ দিব লাগিব।
ৰাহুল গান্ধীয়ে ৰায়বৰেলীত ৩লাখ ৯০ হাজাৰ ভোট লাভ কৰি জয়যুক্ত হৈছে। আনহাতে ৱায়নাডত ৩লাখ ৬৪ হাজাৰ ভোট লাভ কৰি জয়যুক্ত হৈছে। এতিয়া কথাটো হৈছে মাত্ৰ কাইলৈৰ দিনটো আছে ৰাহুল গান্ধীৰ হাতত। যদিহে ৰাহুল গান্ধীয়ে কালিৰ দিনটোত দুয়োখন আসনৰ এখন এৰি নিদিয়ে তেন্তে দুয়োখন আসন ৰিক্ত বুলি ধৰা হয়। ৰায়বৰেলী নিজৰ হাতত ৰাখি ৱায়নাড আসনখন ত্যাগ কৰিলে ৰাহুলে। এখন আসন এৰাৰ পিছতে ছমাহৰ ভিতৰত সেই আসনৰ বাবে অনুষ্ঠিত হ’ব উপ নিৰ্বাচন।
