নগাঁও জিলাৰ ধিঙত বনৰীয়া হাতীৰ আক্ৰমণত এগৰাকী বৃদ্ধা মহিলাৰ মৃত্যু হৈছে। মৃত্যু হোৱা মহিলা গৰাকী ধিঙৰ চহৰীয়া গাঁৱৰ জাংফালি মহেলা বুলি চিনাক্ত কৰা হৈছে।
জানিব পৰা অনুসৰি, লাওখোৱা অভয়াৰণ্যৰ পৰা খাদ্যৰ সন্ধানত লোকালয়লৈ ওলাই অহা এটা প্ৰকাণ্ড বনৰীয়া হাতীয়ে ধিঙৰ সোনাৰী গাঁও, চহৰীয়া গাঁও আৰু চালনাবড়ি গাঁৱত উপদ্ৰৱ চলাই আহিছিল।
ধিঙৰ সোনাৰী গাঁৱৰ পথাৰত পকা ধানৰ খেতি নষ্ট কৰাৰ লগতে ধিঙৰ চালনাবড়িত ইক্ৰামুল হুছেইন নামৰ এজন লোকৰ এটি বাসগৃহ ভাঙি চুৰমাৰ কৰে বনৰীয়া হাতীটোৱে।
খাদ্যৰ সন্ধানত লাওখোৱা অভয়াৰণ্যৰ পৰা লোকালয়লৈ ওলাই আহি বনৰীয়া হাতীটোৰ উপদ্ৰৱত অঞ্চলজুৰি এক আতংকময় পৰিবেশৰ সৃষ্টি কৰে।
স্থানীয় লোকৰ অভিযোগ অনুসৰি, ঘটনাৰ খবৰ দিয়াৰ পিছতো ঘটনাস্থলত স্থানীয় আৰক্ষীৰ লগতে বন বিভাগৰ দল উপস্থিত হোৱা নাই।
