আজি অৰ্থাৎ ২৩ নৱেম্বৰত ঘোষণা হ’ল অসমৰ ৫ সমষ্টিৰ নিৰ্বাচনী ফলাফল। এই উপ-নিৰ্বাচনক লৈ ৫টা সমষ্টিতে ভোটাৰৰ মাজত ব্যাপক জল্পনা কল্পনা আৰম্ভ হয়। এই আটাইকেইটা সমষ্টিতে বিজেপি মিত্ৰজোঁটৰ প্ৰাৰ্থীয়ে জয়লাভ কৰে।
উল্লেখ্য যে, যোৱা ১৩ নৱেম্বৰত অসমৰ বঙাইগাঁও, চিডলী, বিহালী, চামগুৰি আৰু ধলাই সমষ্টিত অনুষ্ঠিত হৈছিল ভোটগ্ৰহণ। এই সমষ্টি কেইটাৰ ভিতৰত আটাইতকৈ দৃষ্টি নিৱদ্ধ হৈ আছিল বিহালী আৰু চামগুৰি সমষ্টিত। পিছে এই ৫টা সমষ্টিতে জয়লাভ কৰিবলৈ সক্ষম হয় বিজেপি।
এই ৫ সমষ্টিৰ উপ-নিৰ্বাচনৰ ফলাফলসমূহ জানো আহক-
ছিডলী-
ছিডলী সমষ্টিত UPPL প্ৰাৰ্থী নিৰ্মল কুমাৰ ব্ৰহ্মই জয়লাভ৷ ৩৬,৯৩৭ টা ভোটৰ ব্যৱধানত জয়লাভ কৰে UPPLৰ প্ৰাৰ্থীগৰাকীয়ে৷
BPF প্ৰাৰ্থী শুদ্ধ কুমাৰ বসুমতাৰীৰ বিৰুদ্ধে লাভ কৰে ৯২,০৯৪ টা ভোট। ইফালে BPF প্ৰাৰ্থী শুদ্ধ কুমাৰ বসুমতাৰীয়ে লাভ কৰে ৫৬,০৫৪ টা ভোট।
বিহালী-
বিহালী সমষ্টিত বিজেপিৰ প্ৰাৰ্থী দিগন্ত ঘাটোৱালে জয়লাভ কৰে। ৯০৫৬ টা ভোটত জয়লাভ কৰে বিজেপি প্ৰাৰ্থী দিগন্ত ঘাটোৱালে।
দিগন্ত ঘাটোৱালে কংগ্ৰেছ প্ৰাৰ্থী জয়ন্ত বৰাৰ বিৰুদ্ধে লাভ কৰে ৫০৮৬১ টা ভোট। ইফালে কংগ্ৰেছ প্ৰাৰ্থী জয়ন্ত বৰাই লাভ কৰে ৪১৮০৫ টা ভোট।
চামগুৰি–
অৱশেষত চামগুৰিতো জয়লাভ কৰে বিজেপিয়ে। চামগুৰিত জয়ী হয় বিজেপিৰ দীপ্লুৰঞ্জন শৰ্মাই। শৰ্মাৰ বিৰুদ্ধে পৰাস্ত হয় কংগ্ৰেছ প্ৰাৰ্থী তাঞ্জিল হুছেইনে।
প্ৰায় ২৬০০০ ভোটত জয়ী হয় দীপ্লুৰঞ্জন শৰ্মাই। প্ৰথমবাৰৰ বাবে চামগুৰিত পৰাস্ত হয় কংগ্ৰেছ প্ৰাৰ্থী।
বঙাইগাঁও-
বঙাইগাঁৱত এনডিএ মিত্ৰজোঁটৰ প্ৰাৰ্থী দিপ্তীময়ী চৌধুৰীয়ে জয়লাভ কৰে। অসম গণ পৰিষদৰ এই প্ৰাৰ্থীগৰাকীয়ে লাভ কৰে ৭৪,৭৩৪ ভোট। ৩৫,১৬৪ টা ভোটৰ ব্যৱধানত জয়লাভ কৰে প্ৰাৰ্থী। ইফালে দিপ্তীময়ী চৌধুৰীৰ বিৰুদ্ধে কংগ্ৰেছ প্ৰাৰ্থী ব্ৰজেনজিৎ সিনহাই লাভ কৰে ৩৯৫৭০ টা ভোট।
ঢলাই-
ঢলাইত নিহাৰ ৰঞ্জন দাসে জয়লাভ কৰে। ৯০১৭ টা ভোটৰ ব্যৱধানত জয় লাভ কৰে বিজেপি প্ৰাৰ্থীগৰাকীয়ে। নিহাৰ ৰঞ্জন দাসে কংগ্ৰেছ প্ৰাৰ্থী ধ্ৰুৱজ্যোতি পুৰকায়স্থৰ বিৰুদ্ধে লাভ কৰে ৬৯,৮৫৯ টা ভোট। ইফালে কংগ্ৰেছ প্ৰাৰ্থী ধ্ৰুৱজ্যোতি পুৰকায়স্থই লাভ কৰে ৫৯,৭৪২টা ভোট।
ইফালে ফলাফল ঘোষণা হোৱাৰ পাছতে কেন্দ্ৰীয়মন্ত্ৰী পবিত্ৰ মাৰ্ঘেৰিটাই প্ৰকাশ কৰে প্ৰতিক্ৰিয়া। কংগ্ৰেছৰ সাংসদ গৌৰৱ গগৈক তুলাধূনা দিয়ে পবিত্ৰ মাৰ্ঘেৰিটাই। অসমত বিজেপিৰ দলৰ বৃহত জয় বুলি অভিহিত কৰে কেন্দ্ৰীয় মন্ত্ৰী মাৰ্ঘেৰিটাই।
