গুৱাহাটী মহানগৰীৰ দিছপুৰ লাষ্টগেটত ভয়ংকৰ ঘটনা।দিন দুপৰতে এগৰাকী যুৱতীক ছুৰিকাঘাত এজন যুৱকে।দিছপুৰ লাষ্টগেটৰ নাহৰনি পথত সংঘটিত হয় এই ভয়ংকৰ ঘটনা।
মৌচুমী গগৈ নামৰ যুৱতীগৰাকীৰ সৈতে এই শোকাৱহ ঘটনা সংঘটিত হয়।পিছত GMCHলৈ লৈ যোৱা অৱস্থাতে প্ৰাণ হেৰুৱাই যুৱতীগৰাকীয়ে।
ছুইফট ডিজায়াৰ লৈ আহিছিল এই দুৰ্বৃত্তৰ দল।ৰেপিড’ৰ বাবে ৰৈ থকা অৱস্থাতে যুৱতীগৰাকীক আক্ৰমণ কৰে ভূপেন দাস নামৰ এজন যুৱকে।পেছাত ভূপেন এজন কেবচালক।
মৃত যুৱতীগৰাকীৰ পিতৃ এগৰাকী আৰক্ষী বিষয়া।প্ৰেম প্ৰত্যাখ্যানৰ বাবে দিন দুপৰতে যুৱতীগৰাকীৰ সৈতে এই ঘটনা সংঘটিত হোৱাৰ সন্দেহ।উল্লেখ্য যে, মৌচুমী গগৈক বহুবাৰ প্ৰেমৰ প্ৰস্তাৱ দিছিল ভূপেনে।
ইতিমধ্যে কেব চালক ভূপেন দাসক আটক কৰিছে গুৱাহাটী আৰক্ষীয়ে।মৌচুমীক আক্ৰমণ কৰি নিজকো আহত কৰিছিল ভূপেন দাসে।বৰ্তমান আৰক্ষীয়ে হাস্পতালত ভৰ্তি কৰিছে অভিযুক্তক।হত্যাকাৰী ভূপেন দাসৰ মানিবেগত উদ্ধাৰ হয় মৌচুমী গগৈৰ ফটো৷
