১৯ৰ অনুৰ্ধ মহিলা টি-২০ বিশ্বকাপ ২০২৫ ভাৰতৰ বাবে আছিল অতি বিশেষ। সমগ্ৰ প্ৰতিযোগিতাখনত ভাৰতীয় দলটোৱে কোনো এখনো মেচতে পৰাস্ত নোহোৱাকৈয়ে খিতাপ দখল কৰে।
শেষত ফাইনেলত দক্ষিণ আফ্ৰিকাক পৰাস্ত কৰি টীম ইণ্ডিয়াই একেৰাহে দ্বিতীয়বাৰৰ বাবে এই প্ৰতিযোগিতাৰ খিতাপ দখল কৰে। এই বিশ্বকাপত ভাৰতৰ যুৱ খেলুৱৈ গোংগডী তৃষাৰ বাবে বহুত ভাল আছিল।
প্ৰায় প্ৰতিখন মেচতে ৰান সংগ্ৰহ কৰি এক গুৰুত্বপূৰ্ণ ভূমিকা পালন কৰিছিল। তেওঁ এনে এটা কৃতিত্বও কৰিলে, যি এই প্ৰতিযোগিতাত পূৰ্বতে আন কোনোৱে কৰিব নোৱাৰিলে।
২০২৫ চনৰ ১৯ ৰ অনুৰ্ধ মহিলা টি-২০ বিশ্বকাপত সফল বেটছমেন হিচাপে পৰিগণিত হৈছিল গোংগডী তৃষা। তেওঁ দ্বিতীয়বাৰৰ বাবে এই প্ৰতিযোগিতাত খিতাপ দখল কৰে।
গোংগডী তৃষাই এইবাৰ বেটৰ সৈতে উজ্জ্বল প্ৰদৰ্শন আগবঢ়াই ৭খন মেচৰ ৭ ইনিংছত ৩০৫ ৰান সংগ্ৰহ কৰি গড়ে ৭৬.২৫ আৰু ষ্ট্ৰাইক ৰেট ১৪৭.৩৪ ৰান সংগ্ৰহ কৰে। উল্লেখ্য যে, এই প্ৰতিযোগিতাত শতক অৰ্জন কৰা একমাত্ৰ বেটছমেন।
এই শক্তিশালী প্ৰদৰ্শনেৰে গোংগডী তৃষাই ১৯ৰ অনুৰ্ধ মহিলা টি-২০ বিশ্বকাপত এক বৃহৎ কৃতিত্ব অৰ্জন কৰে। এই প্ৰতিযোগিতাৰ একক সংস্কৰণত ৩০০ ৰানৰ সীমা অতিক্ৰম কৰা প্ৰথমগৰাকী বেটছমেন। ইয়াৰ পূৰ্বে এটা সংস্কৰণত সৰ্বাধিক ৰান সংগ্ৰহৰ অভিলেখ আছিল ভাৰতীয় বেটছমেন শ্বেতা ছেহৰাৱতৰ নামত।
২০২৩ চনৰ ১৯ৰ অনুৰ্ধ মহিলা টি-২০ বিশ্বকাপত শ্বেতাই গড়ে ৯৯ ৰান আৰু ১৩৯ ষ্ট্ৰাইক ৰেটত ২৯৭ ৰান সংগ্ৰহ কৰিছিল। পিছে এইবাৰ তৃষাৰ পিছতেই ইংলেণ্ডৰ ডেভিনা পেৰিনে সৰ্বাধিক ৰান সংগ্ৰহ কৰে। পেৰিনে ১৭৬ ৰান সংগ্ৰহ কৰে।
চূড়ান্ত খেলখনত প্ৰথমে বেটিং কৰা দক্ষিণ আফ্ৰিকাৰ দলটোৱে মাত্ৰ ৮২ ৰান সংগ্ৰহ কৰি অল আউট হয়। ইয়াৰ পাছতে ৮৩ ৰানৰ লক্ষ্য লৈ গোংগডী তৃষাই টীম ইণ্ডিয়াৰ ভাল আৰম্ভণি কৰে।
এই সময়ছোৱাত গোংগডী তৃষাই ১৩৩.৩৩ ষ্ট্ৰাইক ৰেটত ৩৩টা বলত অপৰাজিত হৈ ৪৪ ৰান সংগ্ৰহ কৰি দলটোক জয়ৰ দিশলৈ আগুৱাই লৈ যায়।
