বিপদে লগ এৰা নাই ইজৰাইলৰ প্ৰধানমন্ত্ৰী বেঞ্জামিন নেতান্যাহুৰ। ইজৰাইলৰ প্ৰধানমন্ত্ৰী বেঞ্জামিন আৰু তেওঁৰ পত্নী চাৰা নেতান্যাহুৰ বিৰুদ্ধে এটা গোচৰত তদন্ত আৰম্ভ কৰিছে। ইজৰাইলৰ সৰ্বোচ্চ আইন উপদেষ্টা (এটৰ্ণি জেনেৰেল) কাৰ্যালয়ে তদন্তৰ নিৰ্দেশ প্ৰদান কৰিছে। যদিহে দুয়োজনৰ বিৰুদ্ধে উত্থাপিত অভিযোগ সত্য প্ৰমাণিত হয় তেন্তে কাৰাবাস খাটিবলগীয়া হ’ব পাৰে।
ইজৰাইলৰ প্ৰধানমন্ত্ৰীৰ পত্নীৰ বিৰুদ্ধে ভয়-ভীতিৰে দেশখনৰ সৰ্বোচ্চ আইন উপদেষ্টাক হায়ৰান কৰাৰ অভিযোগ উত্থাপন হৈছে।
উল্লেখ্য যে, ইজৰাইলৰ বিৰোধী ৰাজনীতিবিদসকলে নেতান্যাহুৰ বিৰুদ্ধে মুকলিকৈ বিষোদগাৰ প্ৰকাশ কৰি ইজৰাইলৰ ষ্টেট এটৰ্নীলৈ পত্ৰ লিখি ইজৰাইলৰ প্ৰধানমন্ত্ৰীৰ পত্নীয়ে স্বামীৰ দুৰ্নীতিৰ গোচৰত হেতালি খেলাৰ অভিযোগ উত্থাপন কৰিছে।
এতিয়া এই বিষয়টো সন্দৰ্ভত ইজৰাইল ষ্টেট এটৰ্নীৰ কাৰ্যালয়ে নেতান্যাহু আৰু তেওঁৰ পত্নী চাৰা নেতান্যাহুৰ বিৰুদ্ধে অপৰাধমূলক তদন্ত আৰম্ভ কৰিছে। ইজৰাইলৰ প্ৰধানমন্ত্ৰীৰ পত্নী চাৰা নেতান্যাহুৰ বিৰুদ্ধে অপৰাধমূলক তদন্ত আৰম্ভ হৈছে বুলি ইজৰাইল ষ্টেট এটৰ্নী কাৰ্যালয়ে প্ৰকাশ কৰিছে।
নেতান্যাহুৰ পত্নীৰ উপৰি ইজৰাইলৰ আদালতত প্ৰধানমন্ত্ৰী বেঞ্জামিন নেতান্যাহুৰ বিৰুদ্ধে উৎকোচ গ্ৰহণ আৰু অন্যান্য দুৰ্নীতিৰ অভিযোগ সন্দৰ্ভত একাধিক গোচৰ সম্প্ৰতি বিচাৰাধীন হৈ আছে।
