মণিপুৰত ৰাষ্ট্ৰপতিৰ শাসন বলবৎ, কি কি ক্ষেত্ৰত আহিব পৰিবৰ্তন?

সংবিধানৰ ৩৫৬ নং অনুচ্ছেদ অনুসৰি এখন ৰাজ্যত কোনো জৰুৰীকালীন সমস্যা আহি পৰিলে ৰাষ্ট্ৰপতি শাসন কাৰ্যকৰী কৰিব পাৰি। ৰাষ্ট্ৰপতি শাসন কাৰ্যকৰী হোৱাৰ পাছত ৰাজ্য চৰকাৰৰ কাৰ্যসমূহ কেন্দ্ৰ আৰু ৰাজ্য বিধানমণ্ডলৰ কাৰ্যসমূহ সংসদক অৰ্পন কৰা হয়।

প্ৰায় ২ বছৰ ধৰি অগ্নিগৰ্ভাময় হৈ আছিল।শেহতীয়াকৈ মণিপুৰৰ মুখ্যমন্ত্ৰী এন বীৰেণ সিঙে পদত্যাগ কৰাৰ বিষয়টোৱে বিশেষ গুৰুত্ব লাভ কৰিছিল।

৪ দিনৰ পূৰ্বে মুখ্যমন্ত্ৰী এন বীৰেন সিঙৰ পদত্যাগৰ পিছতেই মণিপুৰত প্ৰৱৰ্তন কৰা হৈছে ৰাষ্ট্ৰপতিৰ শাসন। ৰাজনৈতিক অচলাবস্থাৰ বাবেই ৰাষ্ট্ৰপতিৰ শাসন বলবৎ কৰা হয় ৰাজ্যখনত।

উল্লেখ্য যে, মুখ্যমন্ত্ৰীৰ পদত্যাগৰ পাছতে ৰাজ্যখনত সৃষ্টি হৈছিল ৰাজনৈতিক অস্থিৰতাৰ।যাৰ পৰিপেক্ষিতত কিছুদিন পূৰ্বে মণিপুৰৰ মুখ্যমন্ত্ৰী এন বীৰেন সিঙে পদত্যাগ কৰিছিল।

ৰাষ্ট্ৰপতি শাসনৰ ফলত জনতাৰ ওপৰত প্ৰত্যক্ষভাৱে কোনো প্ৰভাৱ নপৰে। কিন্তু ৰাজ্যৰ ক্ষমতা ৰাষ্ট্ৰপতি আৰু কেন্দ্ৰীয় চৰকাৰৰ হাতত থাকে। ইয়াৰোপৰি ৰাষ্ট্ৰপতি শাসন চলি থকাৰ সময়ত চৰকাৰে সেই ৰাজ্য সন্দৰ্ভত কোনো ডাঙৰ সিদ্ধান্ত গ্ৰহণ কৰিব নোৱাৰে।

যেতিয়া এখন ৰাজ্য এখনত জৰুৰীকালীন সমস্যাৰ সৃষ্টি হোৱা বুলি ৰাষ্ট্ৰপতিয়ে মান্তি হয়, তেতিয়া সেই ৰাজ্যত কাৰ্যকৰী হয় ৰাষ্ট্ৰপতিৰ শাসন। ৰাষ্ট্ৰপতিৰ এই ঘোষণা দুমাহলৈকে বলবৎ থাকিব পাৰে, কিন্তু ইয়াক বৃদ্ধি কৰিবলৈ লোকসভা আৰু ৰাজ্যসভাত এটা প্ৰস্তাৱ অনা হয়। কোনো বিশেষ পৰিস্থিতিত ৰাষ্ট্ৰপতি শাসন ৩ বছৰলৈ বৃদ্ধি কৰিব পাৰি।