নহৰু হৈছে এবিধ মছলাজাতীয় খাদ্য। ইয়াৰ ইংৰাজী নাম হৈছে Garlic root. ই মাটিৰ তলত উৎপন্ন হোৱা এবিধ পাচলি জাতীয় শস্য। নহৰু বহুতো শক্তিশালী এণ্টি অক্সিডেণ্টেৰে সমৃদ্ধ।
পাকঘৰত মচলা হিচাপে ব্যৱহৃত এই নহৰু হৈছে গুণাগুণৰ ভাণ্ডাৰ, সেয়েহে ইয়াক খাদ্যৰ সোৱাদ বৃদ্ধি কৰিবলৈ ব্যৱহাৰ কৰা হয়। নহৰুৱে ব্যঞ্জনৰ সোৱাদত অন্য এক মাত্ৰা দিয়াৰ লগতে স্বাস্থ্যৰ পক্ষে যথেষ্ট উপকাৰী। দৈনিক দুফুটাকৈ নহৰু চোবালে ই স্বাস্থ্যৰ যথেষ্ট উপকাৰ সাধন কৰে।
নহৰুৱে শৰীৰৰ ৰোগ প্ৰতিৰোধ ক্ষমতা বৃদ্ধি কৰাৰ উপৰিও মানুহক বহুতো বিপদজ্জনক ৰোগৰ পৰা ৰক্ষা কৰে। ইয়াত থকা এই ঔষধি গুণাগুণসমূহৰ বাবেই ইয়াক বিশ্বৰ সকলো ঠাইতে সকলো লোকে খাদ্যৰ তালিকাত সন্নিৱিষ্ট কৰে। ইয়াৰ উপৰি নহৰুক ঔষধ হিচাপেও গণ্য কৰা হয়।
নহৰুত চেলেনিয়াম, কেলচিয়াম, মেঙ্গানিজ, ফোলেট, থিয়ামিন, নিয়াচিন, ভিটামিন চি, জিংক, পটাছিয়াম আদি থাকে। যিয়ে মানৱ শৰীৰক বিভিন্ন ধৰণে লাভান্বিত কৰাৰ লগতে বহুতো বেমাৰৰ পৰা ইয়াক আঁতৰাই ৰাখে।
জানো আহক নহৰুৰ উপকাৰিতাৰ বিষয়েঃ
যদি বাৰিষা ঋতুত মুখত চোকোৰা আৰু ব্রণৰ সমস্যা বৃদ্ধি হয়, তেনেহ’লে ৰাতিপুৱা দৈনিক কুহুমীয়া পানীৰে নহৰুৰ দুটা কলি খাব লাগে। ই শৰীৰৰ পৰা বিষাক্ত পদাৰ্থ আঁতৰ কৰে। ইয়াৰ ভেঁকুৰ-প্ৰতিৰোধী গুণাগুণে ছালক ভেঁকুৰৰ সংক্ৰমণৰ পৰা সুৰক্ষিত কৰে।
হৃদৰোগীসকলৰ বাবে নহৰু যথেষ্ট উপকাৰী। নহৰুৱে শৰীৰৰ অপকাৰী ক’লেষ্টলৰ পৰিমান হ্ৰাস কৰে লগতে ৰক্ত সঞ্চালন উন্নত কৰে।
উচ্চ ৰক্তচাপ হ্ৰাস কৰাত ই যথেষ্ট সহায়ক হয়।
ই তেজ পৰিষোধক হিচাপেও কাম কৰে।
দুফুটা নহৰু আৰু অকণমান নেমুৰস নিতৌ পুৱা গ্ৰহণ কৰিলে শৰীৰৰ ক্লান্তি দূৰ হয়।
নহৰুৱে মেদবহুলতা কমোৱাত সহায়ক হয়। খালী পেটত নহৰু খালে তেজত চেনীৰ পৰিমাণ নিয়ন্ত্ৰণত থাকে।
হাঁওফাও, মূত্ৰাশয়, পাকস্থলী আদিৰ প্ৰতিৰোধত সহায়ক হয় নহৰু।
নহৰুৱে পাচন তন্ত্ৰ শক্তিশালী কৰি হজম প্ৰক্ৰিয়া উন্নত কৰে।
