পদাৰ্থ বিজ্ঞানী আইনষ্টাইনৰ বিষয়ে নজনা ব্যক্তি অতি কম যদিও বহুতে নাজানে বিজ্ঞানী গৰাকীয়ে এৰিব নোৱাৰা ৫টাকৈ বিশেষ অভ্যাস। বিশ্বৰ অন্য মহান বিজ্ঞানী সকলৰ দৰে আইনষ্টাইনো এজন অদ্ভুত স্বভাৱৰ ব্যক্তি আছিল।
উইটেনবাৰ্গ অঞ্চলৰ উল্ম চহৰত ১৮৭৯ খৃষ্টাব্দৰ ১৪ মাৰ্চত জন্মগ্ৰহণ কৰা মহান বিজ্ঞানী গৰাকীয়ে আপেক্ষিকতাবাদ তত্ত্ব আৰু আধুনিক পদাৰ্থ বিজ্ঞানৰ আবিষ্কাৰক বুলি গণ্য কৰে সকলোৱে। তাত্ত্বিক পদাৰ্থবিদ্যালৈ আগবঢ়োৱা অৱদান বিশেষকৈ আলোক বিদ্যুৎ পৰিঘটনাৰ বাবে ১৯২১ চনত তেওঁক পদাৰ্থ বিজ্ঞানৰ ন’বেল বঁটা প্ৰদান কৰা হয়।
এনে এজন মহান ব্যক্তিৰ ৫টা এৰিব নোৱাৰা অভ্যাসৰ ভিতৰত এটা আছিল অতি বিপদজনক অভ্যাস। তেওঁ কি কি অভ্যাস এৰিব পৰা নাছিল সেই বিষয়ে জানো আহক…….
জানিব পৰা মতে বিজ্ঞানী গৰাকীয়ে টোপনি যোৱাৰ অভ্যাস আছিল সাধাৰণ লোকৰ তুলনাত কিছু পৃথক। বিছনাৰ পৰিৱৰ্তে হাতত চামুচ লৈ আৰ্মচেয়াৰত শুইছিল, তাৰ তলত ধাতুৰ প্লেট এখন ৰখা হৈছিল। কাৰণ টোপনি যোৱাৰ লগে লগে চামুচখন হাতৰ পৰা সৰি প্লেটত খুন্দা মৰাৰ শব্দৰ ফলত যেন সাৰ পায়, যাৰ বাবে এনে পদ্ধতি অৱলম্বন কৰিছিল আইনষ্টাইনে।
আইনষ্টাইনে খোজ কাঢ়ি ভাল পাইছিল। যাৰ বাবে আইনষ্টাইনে দৈনিক খোজ কঢ়াৰ অভ্যাস আছিল। প্ৰিন্সটন বিশ্ববিদ্যালয়ত কাম কৰি থাকোতে তেওঁ ডেৰ মাইল খোজ কাঢ়িছিল আৰু তাৰ পিছত উভতি আহিছিল।
যিকোনো ধৰণৰ ধূমপান স্বাস্থ্যৰ বাবে ক্ষতিকাৰক। কিন্তু আইনষ্টাইনে সেৱন কৰিছিল ধপাত। বহু সময়ত ৰাস্তাত পৰি থকা চিগাৰেটৰ টুকুৰাবোৰ তুলি লৈ বাকী থকা ধঁপাতবোৰ পাইপত ভৰাই পিছলৈ এই ধপাত সেৱন কৰিছিল।
আইনষ্টাইনে মোজা পৰিধান কৰা নাছিল। মোজা পিন্ধাটো অতি কষ্টকৰ অনুভৱ কৰে মহান বিজ্ঞানী গৰাকীয়ে। দ্বিতীয় পত্নী এলছালৈ লিখা এখন চিঠিত পোহৰলৈ আহে এই বিষয়ে আৰু চিঠিখনত লিখা আছিল ‘মই আৱিষ্কাৰ কৰিলোঁ যে ভৰিৰ ডাঙৰ আঙুলিটোৱে সদায় মোজা ফুটা কৰি দিয়ে। গতিকে মোজা পিন্ধা বন্ধ কৰি দিলোঁ।
আইনষ্টাইনে বাৰু কি খাই ভাল পাইছিল ? এনে এজন মহান বিজ্ঞানীয়ে এই সন্দৰ্ভত এবাৰ তেওঁ ধেমালিতে কৈছিল যে তেওঁ স্পাঘেটি (পাস্তা) ভাল পায়।
