শত্ৰুতাই কি কৰিব নোৱাৰে। শত্ৰুতাৰ বাবে কিছু লোক ধ্বংস হৈ যায়। কিন্তু দুই ভাতৃৰ শত্ৰুতাৰ ফলত বিশ্বই লাভ কৰিছিল দুটা বাহুবলী কোম্পানী।
হাই ডিমাণ্ড থকা পুমা আৰু এডিডাছৰ জন্ম হোৱাৰ কাহিনী একেবাৰেই সুকীয়া। ১২৬ বছৰ পিছলৈ উভতি যাব লাগিব। ক্ৰিষ্টফ ডেছলাৰ নাম এজন লোকে কাম কৰিছিল এটা জোতাৰ কোম্পানীত। এই ক্ৰিষ্টফ ডেছলাৰৰ ঘৰত জন্ম পাইছিল এটা পুত্ৰ সন্তান। নাম আছিল ৰুডলাফ ডেছলাৰ। ৰুডলাফ ডেছলাৰৰ সৰু ভাতৃৰ নাম হৈছে এডলাফ ডেছলাৰ। প্ৰথম অৱস্থাত ৰুডলাফে কাম কৰিছিল এখন বেকাৰীৰ দোকানত। কিন্তু ৰুডলাফে বুজি পাইছিল এই কাম কৰাৰ বাবে তেওঁৰ জন্ম হোৱা নাই। সেয়ে নিজৰ পিতৃৰ পৰা জোতা তৈয়াৰ কৰা কাম শিকাৰ আগ্ৰহ হৈ পৰিছিল ৰুডলাফৰ। আনহাতে ৰুডলাফৰ সৰু ভাতৃৰ আন এক সপোন। এডলাফে মনত সপোন পুহি ৰাখিছিল যে বিশ্বৰ খেলুৱৈসকলৰ পিন্ধা জোতা নিম্নমানৰ। যদিহে খেলুৱৈৰ বাবে ভাল জোতা নিৰ্মাণ কৰিব পৰা যায় তেন্তে ভাল প্ৰদৰ্শন কৰিব পাৰিব খেলুৱৈয়ে। দুই ভাতৃৰ সপোন পূৰ্ণ হোৱাৰ পূৰ্বেই ১৯১৪চনত আৰম্ভ হৈছিল দ্বিতীয় বিশ্বযুদ্ধ। ভয়ংকৰ আক্ৰমণ-প্ৰত্যাক্ৰমণ চলিছিল বিশ্বত। বিশ্বযুদ্ধৰ সময়ত যুদ্ধৰ বাবে ৰুডলাফে যোগদান কৰিছিল সেনাত। যুদ্ধৰ অন্তত ঘৰলৈ ঘূৰি আহিছিল ৰুডলাফ। ১৯২৪ চনত ৰুডলাফে ঘৰৰ পাকঘৰতে সাজি লৈছিল এটা জোতা নিৰ্মাণ কৰা সৰু ফেক্টৰী। আনহাতে এডলাফে সৰুকৈ এখন দোকানত আৰম্ভ কৰিলে খেলুৱৈসকলৰ বাবে জোতা। কিন্তু জাৰ্মানীত তেতিয়াৰ অৰ্থব্যৱস্থা অতি বেয়া আছিল। লগতে কেঁচামালৰ অভাৱত বাধাৰ সন্মুখীন হৈছিল দুই ভাতৃ। যুদ্ধত বেয়াকৈ ক্ষতিগ্ৰস্ত হোৱা গাঁওসমূহত উপস্থিত হৈছিল এডলাফ। গাঁওসমূহত পৰি থকা সেনাৰ হেলমেট, পানীৰ বেগ আৰু পেৰাশ্বুটকে ধৰি পৰি থকা সামগ্ৰী সংগ্ৰহ কৰিছিল। এইসমূহ সামগ্ৰীৰে জোতা তৈয়াৰ কৰিছিল এডলাফে। আনহাতে বিজুলীৰ অভাৱত মেচিন চলাব পৰা নাছিল এডলাফে, কিন্তু বুধিয়ক এডলাফে ঘৰে ডাইনামা তৈয়াৰ কৰি মেচিন চলোৱাৰ যোগাৰ কৰি লৈছিল। এনেকৈয়ে দুটা বছৰ পাৰ হোৱাৰ পিছত একত্ৰিত হৈছিল দুই ভাতৃ ৰুডলাফ আৰু এডলাফ। দুই ভাতৃয়ে মিলি স্থাপন কৰিছিল এটা কোম্পানী। কোম্পানীটোৰ নাম দিছিল গ্ৰেবুডৰ ডেছলাৰ ছুফেব্ৰিক। জোতা তৈয়াৰ কৰাৰ সকলো শৈলী জানিছিল এডলাফে। মাৰ্কেটিং আৰু প্ৰচাৰৰ দায়িত্ব লৈছিল ৰুডলাফে। ১৯২৫ চনত দুই ভাতৃয়ে জন্তুৰ ছালৰ পৰা তৈয়াৰ কৰিছিল ফুটবল। দুই ভাতৃৰ অধীনত তেতিয়া ১২জন লোকে কাম কৰিছিল। প্ৰতিটো দি নে ৫০যোৰকৈ জোতা তৈয়াৰ কৰিছিল দুই ভাতৃয়ে। ক্ৰমাৎ আহিল সেই দিনটো। ১৯২৮ চনত আমষ্টাৰডামত আয়োজন কৰা হৈছিল অলিম্পিকৰ। সমগ্ৰ বিশ্বৰ মিডিয়া আৰু কোটি কোটি উপস্থিত হৈছিল আমষ্টাৰডামত। ৮০০ মিটাৰ দৌৰত ডেছলাৰ কোম্পানীয়ে তৈয়াৰ কৰা জোতা পিন্ধি সোণৰ মেডেল জয়ী হৈছিল লীনা ৰেডকেই। এয়া আছিল দুই ভাতৃ ক্ৰমে ৰুডলাফ আৰু এডলাফৰ টাৰ্ণিং পইণ্ট। দুই ভাতৃয়ে নিৰ্মাণ কৰা জোতা অতি কমফৰ্ট আৰু অতি দ্ৰুতভাবে দৌৰিব পৰা যায় বুলি প্ৰচাৰ লাভ কৰে। লাহে লাহে ৰুডলাফ আৰু এডলাফৰ ব্যৱসায়ে বিশ্বৰ চুকে কোণে প্ৰচাৰ আৰু প্ৰসাৰ লাভ কৰে। ইয়াৰ পিছতে ১৯৩২ চনত লছ এঞ্জেলছ আৰু ১৯৩৬চনত বাৰ্লিন অলম্পিকত দুই ভাতৃয়ে নিৰ্মাণ কৰা জোতাৰ ডিমাণ্ড বাঢ়ি যায়। আমেৰিকাৰ এথলিট অবেন্সে দুই ভাতৃৰ জোতা পিন্ধি চাৰিটা গোল্ড মেডেল লাভ কৰিবলৈ সক্ষম হয়। ইণ্টাৰনেশ্য়নেল লেভেলত দুই ভাতৃয়ে নিৰ্মাণ তৈয়াৰ কৰা জোতাই নাম আৰ্জন কৰিবলৈ সক্ষম হয়। ইয়াৰ মাজতে আৰম্ভ হৈছিল দুই ভাতৃৰ মাজত শত্ৰুতা। কোম্পানীৰ নাম ৰুডলাফে। পৰিয়ালৰ কোনো সদস্যই যাতে কোম্পানীৰ ভাগ লাভ নকৰে তাৰ বাবে ষড়যন্ত্ৰ ৰচিছিল ৰুডলাফে। কিন্তু ৰুডলাফৰ বেয়াদিনৰ বাবে সকলো ব্যৱসায় নিজৰ হাতলৈ আনিছিল এডলাফে। পৃথক পৃথক হৈ পৰে দুই ভাতৃ ক্ৰমে ৰুডলাফ আৰু এডলাফ। ১৯৪৮ চনত জ্যেষ্ঠ ভাতৃ ৰুডলাফে প্ৰথমে ৰুডা নামৰ কোম্পানী খোলে। কিন্তু পিছলৈ এই ৰুডা হৈ পৰে পুমা। ইয়াৰ এটা বছৰৰ পিছতে সৰু ভাতৃ এডলাফে ১৯৪৯ চনত জন্ম দিয়ে এডিডাছ নামৰ এটা কোম্পানী। পুৰণা কোম্পানীৰ সকলো সা-সামগ্ৰী দুই ভাতৃয়ে ভগাই লয়। দুই ভাতৃৰ শত্ৰুতাৰ বাবেই জন্ম লাভ কৰে পুমা আৰু এডিডাছ। কৰ্মচাৰীও সমানে ভগাই লৈছিল দুই ভাতৃয়ে। ইয়াৰ পিছতে এডিডাছে দ্ৰুত জনপ্ৰিয়তা লাভ কৰিছিল জাৰ্মানীত। বিশ্বত এডিডাছৰ নাম দ্ৰুতভাবে জনপ্ৰিয় হৈ পৰে। আনহাতে পুমাও ডাঙৰ ব্ৰেণ্ড হৈ পৰিছিল। ১৯৭০ চনত পুমাই লাভ কৰিছিল বিশ্বৰ এক হাই ডিমাণ্ড কোম্পানীৰ খিতাপ। দুই ভাতৃৰ ভীষণ শত্ৰুতাৰ বাবে দুয়োটা কম্পানী বিশ্বত হৈ পৰে খ্যাত।
