বৰ্তমান সময়ত প্ৰায় সংখ্যক লোকৰ শৰীৰতেই ইউৰিক এচিডৰ সমস্যা দেখিবলৈ পোৱা যায়। ইউৰিক এচিডৰ সমস্যাৰ নিয়ন্ত্ৰিত নহলে ই বাত-বিষ আৰু হাড় ফুলাৰ কাৰণ হৈ পৰে।
যদি আপুনিও ইউৰিক এচিডৰ সমস্যাত ভুগি আছে তেন্তে আপুনিও নিজৰ খাদ্য-পানীয়ৰ প্ৰতি বিশেষ গুৰুত্ব দিয়াটো দৰকাৰ। কাৰণ এই ৰোগ নিৰ্ভৰ কৰে আপোনাৰ জীৱনশৈলীৰ ওপৰত। সাধাৰণতে আমি যেতিয়া খাদ্যগ্ৰহণ কৰো, তেতিয়া ইয়াত থকা পিউৰিন ৰাসায়নিক যৌগ প্ৰস্ৰাৱৰ মাজেৰে ফ্লাছ হৈ শৰীৰৰ পৰা ওলাই যায়।
এইবোৰ কাৰ্বন আৰু নাইট্ৰজেন পৰমাণুৰে গঠিত। বহু বিশেষজ্ঞৰ মতে, যেতিয়া আমি প্ৰয়োজনীয়তকৈ অধিক পিউৰিন সমৃদ্ধ খাদ্য গ্ৰহণ কৰিবলৈ আৰম্ভ কৰো, তেতিয়া আমাৰ শৰীৰে ইয়াক হজম কৰিব নোৱাৰে আৰু ই শৰীৰত জমা হ’বলৈ আৰম্ভ কৰে। ইয়াৰ পৰা হাত সাৰিবলৈ আমাৰ খাদ্যাভ্যাস সলনি কৰি কিছুমান খাদ্যৰ পৰা আঁতৰি থকাটো প্ৰয়োজনীয়।
যদি শৰীৰত ইউৰিক এচিড বেছি থাকে, তেন্তে এইবোৰ খাদ্য খোৱাৰ পৰা বিৰত থাকিব লাগে-
- ৰেড মীট, কিমা মীট সআৰু সাগৰীয় খাদ্য যেনে মাগুৰ, চাৰ্ডিন আদি খোৱাৰ পৰা বিৰত থাকিব লাগে।
- মদ খোৱাৰ পৰা বিৰত থাকিব লাগে।
- ছ’ডা, আইচক্ৰীম, মিঠাই, ফাষ্ট ফুড পৰিহাৰ কৰিব লাগে।
- দাইল খোৱাৰ পৰা বিৰত থাকিব লাগে।
যদি ইউৰিক এচিড বেছি থাকে তেন্তে এইবোৰ খাব লাগে-
- আপেলৰ ভিনেগাৰ
যদি শৰীৰত ইউৰিক এচিড বেছি থাকে, তেন্তে আপেলৰ ভিনেগাৰ খাদ্য তালিকাত অন্তৰ্ভুক্ত কৰিব পাৰে। ইয়াত মেলিক এচিড থাকে যিয়ে ইউৰিক এচিড ভাঙি পেলোৱাৰ উপৰিও ইয়াক শৰীৰৰ পৰা আঁতৰাই পেলোৱাৰ কামো কৰে।
- জামু
ইউৰিক এচিড নিয়ন্ত্ৰণতো জামু অতি উপকাৰী। ইয়াত থকা এন্থ’চাইনিন যৌগটোৱে শৰীৰৰ ইউৰিক এচিড হ্ৰাস কৰে, যাৰ ফলত গাঁঠিৰ বিষত উপশম পোৱা যায়।
- আঁহযুক্ত খাদ্য
যদি আপুনি খাদ্যত আঁহযুক্ত খাদ্য গ্ৰহণ কৰে, তেন্তে শৰীৰত ইউৰিক এচিডৰ সমস্যা নিয়ন্ত্ৰণ কৰিব পৰা যায়। এনে অৱস্থাত গোটা শস্যৰ বাহিৰেও আঁহযুক্ত ফলমূল, শাক-পাচলি আদি খাদ্যত অন্তৰ্ভুক্ত কৰিব লাগে।
- নেমু
নেমু হৈছে চাইট্ৰিক এচিড সমৃদ্ধ ফল যিয়ে শৰীৰৰ অতিৰিক্ত ইউৰিক এচিড নোহোৱা কৰাত বহু সহায় কৰে।
- দৈ
দৈ আদি কম চৰ্বিযুক্ত দুগ্ধজাত সামগ্ৰী সেৱন কৰিলে উপকাৰী।
