মন্ত্ৰী পুৰণি, দপ্তৰ হ’ল সলনি

২০২১চনত হিমন্ত বিশ্ব শৰ্মা কেবিনেটত স্বাস্থ্য মন্ত্ৰীৰ লগতে কেইবাটাও গুৰুত্বপুৰ্ণ বিভাগৰ গুৰু দায়িত্ব লাভ কৰিছিল কলিয়াবৰৰ বিধায়ক কেশৱ মহন্তই। কোভিড মহামাৰীৰ সন্মুখৰ পৰাই নেতৃত্ব দিয়া কোভিড মহামাৰীৰ দ্বিতীয় ঢৌত কেশৱ মহন্ত সকলোৰে বাবে হৈ পৰিছিল নয়নৰ মণি। দেশ-বিদেশৰ ছাত্ৰ-ছাত্ৰীক কোভিড মহামাৰীৰ সময়ত পৰিয়ালৰ কাষত উপস্থিত কৰোৱাইছিল কেশৱ মহন্তই। ৰাজ্যৰ ৰাজনীতিৰ জ্যেষ্ঠ বিধায়ক কেশৱ মহন্তই কালিলৈকে জনা নাছিল স্বাস্থ্য বিভাগটো তেওঁৰ হাতৰ পৰা যাব। অভিজ্ঞতাৰ ফালৰ পৰা কেন্দ্ৰীয় স্বাস্থ্য মন্ত্ৰী জে পি নাড্ডাই পুনৰ স্বাস্থ্য আৰু পৰিয়াল কল্যাণ দপ্তৰ লাভ কৰাৰ পিছত অসমৰ স্বাস্থ্য মন্ত্ৰী হিমন্ত বিশ্ব শৰ্মাক এক প্ৰকাৰ মনে প্ৰাণে বিচৰাৰ বাবেই পুনৰ স্বাস্থ্য বিভাগ নিজৰ হাতলৈ আনি জন সমাজৰ আগত গ্ৰহণযোগ্যতা বঢ়াবলৈ পুনৰ কৰ্মৰ পথাৰখনত হিমন্ত বিশ্ব শৰ্মা।
আনহাতে কেশৱ মহন্তক দিয়া হ’ল পৰিবহণ, মীন, আৱকাৰী, বিজ্ঞান, প্ৰযুক্তি আৰু জলবায়ুৰ দৰে দায়িত্ব। সাংসদ হিচাপে পৰিমল শুক্লবৈদ্য নিৰ্বাচিত হোৱাৰ পিছত বিধানসভাৰ সদস্যপদ ত্যাগ কৰাৰ লগতে মন্ত্ৰীপদো ত্যাগ কৰে। ইয়াৰ লগে লগে খালী হৈ পৰিছিল ৰাজ্যৰ তিনিটাকৈ গুৰুত্বপূৰ্ণ বিভাগ।
মুখ্যমন্ত্ৰীৰ নিজৰ দায়িত্বত থাকিব গৃহ, গড়কাপ্টানী, স্বাস্থ্য আৰু পৰিয়াল কল্যাণ বিভাগ, চিকিৎসা শিক্ষা আৰু গৱেষণা বিভাগ।