ভাৰতীয় ক্ৰিকেটৰ অন্যতম উদীয়মান যুৱ তাৰকা বৈভৱ সূৰ্য্যবংশীয়ে এতিয়া IPL 2026ত এক সুন্দৰ প্ৰদৰ্শনৰ লক্ষ্য কৰি লৈছে। অতি কম বয়সতে বিস্ফোৰক বেটিঙৰ বাবে স্বীকৃতি লাভ কৰা খেলুৱৈগৰাকীয়ে স্পষ্টভাৱে উল্লেখ কৰিছে যে, এই ছিজনত তেওঁৰ আটাইতকৈ ডাঙৰ সপোন হৈছে তেওঁৰ দলটোৱে খিতাপ দখল কৰাত।
শেহতীয়াকৈ BCCI নমন বঁটা ২০২৬ অনুষ্ঠানৰ সময়ত সূৰ্যবংশীয়ে মুকলিকৈ নিজৰ লক্ষ্যৰ বিষয়ে কয়। IPLত ৰাজস্থান ৰয়েলছৰ হৈ খেলা বৈভৱ সূৰ্যবংশীয়ে উল্লেখ কৰে যে এইবাৰ তেওঁৰ মূল লক্ষ্য হৈছে নিজৰ দলটোক চেম্পিয়ন কৰোৱা। তেওঁ কয় যে, যদি তেওঁ ভাল প্ৰদৰ্শন কৰে তেন্তে সমগ্ৰ দলটোৱেই লাভৱান হ’ব। তেওঁৰ মতে IPLৰ দৰে ডাঙৰ টুৰ্ণামেণ্টত প্ৰতিজন খেলুৱৈয়ে ট্ৰফী জয় কৰাৰ সপোন দেখে। এই মানসিকতাৰে তেওঁ খেলপথাৰত প্ৰৱেশ কৰিব আৰু দললৈ যিমান পাৰে দলটোত অৰিহণা যোগাবলৈ চেষ্টা কৰিব।
অতি কম বয়সতে ক্ৰিকেট জগতত নিজৰ স্থান দখল কৰিছে বৈভৱ সূৰ্য্যবংশীয়ে। ২০২৫ চনৰ IPLত তেওঁ এক উজ্জ্বল বেটিং প্ৰদৰ্শন অৰ্জন কৰি প্ৰতিযোগিতাখনৰ কনিষ্ঠতম শতৰাজ্যৰ অভিলেখ গঢ়িবলৈ সক্ষম হয়। তেওঁৰ এই কৃতিত্বই ক্ৰিকেট জগতৰ দৃষ্টি আকৰ্ষণ কৰিছিল।
১৯ বছৰ অনুৰ্ধ পৰ্যায়তো তেওঁ উজ্জ্বল প্ৰদৰ্শন আগবঢ়াইছিল। ১৯ বছৰ অনুৰ্ধ বিশ্বকাপৰ ICC ৰ ফাইনেলত ইংলেণ্ডৰ বিৰুদ্ধে ৮০ বলত ১৭৫ ৰানৰ বিস্ফোৰক ইনিংছ খেলিছিল। এই ইনিংছে ভাৰতক অভিলেখ ষষ্ঠবাৰৰ বাবে ১৯ বছৰ অনুৰ্ধ বিশ্বকাপ জয় কৰাত সহায় কৰে।
বৈভৱ সূৰ্যবংশীয়ে ২০১৪ চনত ৰাজস্থান ৰয়েলছৰ ১.১ কোটি টকাত চুক্তিবদ্ধ হোৱাৰ সময়ত উল্লেখযোগ্য স্বীকৃতি লাভ কৰিছিল। সেই সময়ত তেওঁৰ বয়স মাত্ৰ ১৩ বছৰ আৰু IPL ৰ চুক্তি লাভ কৰা আটাইতকৈ কম বয়সীয়া খেলুৱৈসকলৰ ভিতৰত অন্যতম। তেওঁ বুজাই দিয়ে যে, ঘৰুৱা ক্ৰিকেট আৰু ১৯ বছৰ অনুৰ্ধৰ খেলৰ সময়ত ৰাজস্থান ৰয়েলছৰ স্কাউটিং দলে তেওঁক দীৰ্ঘদিন ধৰি চকু ৰাখিছিল। ট্ৰাইলত ভাল প্ৰদৰ্শন কৰি দলৰ স্থান নিশ্চিত কৰে।
