ICC টি-২০ বিশ্বকাপ ২০২৬ এতিয়া আটাইতকৈ ৰোমাঞ্চকৰ পৰ্যায়ত উপনীত হৈছে। আজি অনুষ্ঠিত হ’ব ভাৰত আৰু ইংলেণ্ডৰ দ্বিতীয়খন ছেমি ফাইনেল। এই খেলখন মুম্বাইৰ ঐতিহাসিক ষ্টেডিয়াম ৱাংখেড়েৰত অনুষ্ঠিত হ’ব।
তাৎপৰ্যপূৰ্ণভাৱে ভাৰত আৰু ইংলেণ্ডৰ মাজত এয়া একেৰাহে তৃতীয় টি-২০ বিশ্বকাপৰ ছেমি ফাইনেল। ইয়াৰ পূৰ্বে ২০২২ আৰু ২০২৪ সংস্কৰণত এই পৰ্যায়ত দুয়োটা দলৰ মাজত সংঘৰ্ষ হৈছিল। ক্ৰিকেট অনুৰাগীসকলে আন এক হাই ভল্টেজ প্ৰতিযোগিতাৰ আশা কৰিছে।
ভাৰত আৰু ইংলেণ্ডৰ মাজত এই গুৰুত্বপূৰ্ণ খেলখন সন্ধিয়া ৭:০০ বজাৰ পৰা আৰম্ভ হ’ব। মেচ আৰম্ভ হোৱাৰ আধা ঘণ্টা পূৰ্বে সন্ধিয়া ৬:৩০ বজাত টছ অনুষ্ঠিত হ’ব। ফাইনেলত স্থান লাভৰ বাবে দুয়োটা দলে প্ৰতিদ্বন্দ্বিতা কৰিব।
এই মেচখনৰ বিজয়ী দলটোৱে পোনপটীয়াকৈ ফাইনেললৈ আগবাঢ়িব। অহা ৮ মাৰ্চত আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’ব ফাইনেল মেচ । প্ৰথমখন ছেমি ফাইনেলত দক্ষিণ আফ্ৰিকাক পৰাস্ত কৰি নিউজিলেণ্ডে ফাইনেলত স্থান নিশ্চিত কৰে। এতিয়া সকলোৰে দৃষ্টি ভাৰত আৰু ইংলেণ্ডৰ মেচখনৰ ওপৰত।
ভাৰতীয় দলটোত থাকিব : ঈশান কিষাণ (উইকেটকীপাৰ), অভিষেক শৰ্মা, তিলক ভাৰ্মা, সূৰ্য্যকুমাৰ যাদৱ (অধিনায়ক), হাৰ্দিক পাণ্ডিয়া, শিৱম ডুবে, ৰিংকু সিং, অক্ষৰ পেটেল, কুলদীপ যাদৱ, বৰুণ চক্ৰৱৰ্তী, যশপ্ৰীত বুমৰাহ, সঞ্জু চেমছন, মহম্মদ চিৰাজ, ৱাশ্বিংটন সুন্দৰ, আৰ্ষদীপ সিং।
ইংলেণ্ডৰ দলটোত থাকিব : হেৰী ব্ৰুক (অধিনায়ক), ৰেহান আহমেদ, জোফ্ৰা আৰ্চাৰ, টম বেণ্টন, জেকব বেথেল, জোছ বাটলাৰ, ছেম কাৰাণ, লিয়াম ড’ছন, বেন ডাকেট, উইল জেকছ, জেমী অভাৰটন, আদিল ৰছিদ, ফিলিপ ছল্ট, জোছ টংগে, লুক উড।
