এক সম্ভাব্য বিমান দুৰ্ঘটনাৰ পৰা ৰক্ষা পৰিল এয়াৰ ইণ্ডিয়াৰ এখন বিমান। দিল্লী বিমান বন্দৰত বিমানখনে অৱতৰণ কৰাৰ সময়তে জুই লগাৰ খবৰ পোৱা গৈছে। হংকঙৰ পৰা দিল্লীলৈ আহিছিল এয়াৰ ইণ্ডিয়াৰ বিমানখন।
এয়াৰ ইণ্ডিয়াৰ তৰফৰ পৰা জনোৱা অনুসৰি, বিমানখনৰ সহায়ক শক্তি ইউনিট (এপিইউ)ত অগ্নিকাণ্ড সংঘটিত হয়। সকাহৰ বিষয় এইটোৱে যে এই ঘটনাত প্ৰতিগৰাকী যাত্ৰী আৰু বিমানখনৰ চালক দল সম্পূৰ্ণৰূপে সুৰক্ষিত হৈ আছে।
ৰাষ্ট্ৰীয় সংবাদ মাধ্যমত প্ৰকাশ পোৱা বাতৰি অনুসৰি, হংকঙৰ পৰা দিল্লীলৈ অহা AI 315 নম্বৰৰ বিমানখনে অৱতৰণ কৰাৰ সময়তে এটা ইউনিটত অগ্নিকাণ্ড সংঘটিত হয়।
অৱশ্যে কি কাৰণত বিমানখনত অগ্নিকাণ্ডৰ ঘটনা সংঘটিত হৈছে তাৰ প্ৰকৃত কাৰণ এতিয়ালৈ জানিব পৰা হোৱা নাই।
