মুখ্যমন্ত্ৰী ড০ হিমন্ত বিশ্ব শৰ্মাই স্বাধীনতা দিৱসৰ দিনটোত ৰাষ্ট্ৰীয় পতাকা গুৱাহাটীত উত্তোলন কৰাৰ লগতে ডিব্ৰুগড়ত গণৰাজ্য দিৱস পালন কৰাৰ কথা ঘোষণা কৰে। শুকুৰবাৰে ডিব্ৰুগড় চহৰত নৱনিৰ্মিত মুখ্যমন্ত্ৰীৰ সচিবালয় উদ্বোধন কৰি মুখ্যমন্ত্ৰীয়ে এই ঘোষণা কৰে।
ডিব্ৰুগড়ত নৱনিৰ্মিত সচিবালয় উদ্বোধনৰ অনুষ্ঠানত প্ৰাক্তন মুখ্যমন্ত্ৰী তথা বৰ্তমানৰ কেন্দ্ৰীয় মন্ত্ৰী সৰ্বানন্দ সোণোৱালৰ লগতে ৰাজ্যিক কেবিনেটৰ কেইবাগৰাকীও মন্ত্ৰী উপস্থিত থাকে।
উজনি অসম অঞ্চলৰ প্ৰশাসনিক বিষয়সমূহ ত্বৰান্বিত কৰাৰ বাবে নতুন সচিবালয় গঠন কৰা হৈছে। নৱনিৰ্মিত সচিবালয়টোৰ জৰিয়তে ৰাজ্য আৰু কেন্দ্ৰীয় চৰকাৰৰ আঁচনিসমূহৰ ওপৰত অধিক তীক্ষ্ণ পৰ্যবেক্ষণ সম্ভৱ হৈ উঠিব বুলি ধাৰণা কৰা হৈছে।
মুখ্যমন্ত্ৰীৰ কাৰ্যালয় উদ্বোধন কৰি শৰ্মাই কয় যে সচিবালয়ে উজনি অসম অঞ্চলৰ ৯খন জিলাৰ বিষয়সমূহ সহজেই সমাধান কৰাৰ বাবে এই পদক্ষেপ গ্ৰহণ কৰা হৈছে।
