য়েমেনৰ বিদ্ৰোহী সংগঠন হাউথীয়ে ইজৰাইল শাসনক সকীয়াই দিয়ে যে যদিহে যুদ্ধ পুনৰ আৰম্ভ হয় তেন্তে ইজৰাইলৰ দখল কৰা অঞ্চল বিশেষকৈ টেল আভিভক লক্ষ্য কৰি প্ৰতিশোধমূলক আক্ৰমণ সংঘটিত হ’ব।
শনিবাৰে গভীৰ নিশা মুছলমানৰ পৱিত্ৰ ৰমজান মাহৰ প্ৰথম নিশা য়েমেনৰ ৰাজধানী ছানাৰ পৰা টেলিকাষ্ট কৰা এটা টিভি অনুষ্ঠানৰ সময়ত আব্দুল মালিক আল হাউথীয়ে এই মন্তব্য কৰে।
এক বাতৰি অনুসৰি, তেওঁ কয় যে তেওঁলোকে নিজৰ দৃঢ় স্থিতিৰ লগতে পেলেষ্টাইনী জনসাধাৰণ আৰু বিভিন্ন প্ৰতিৰোধমূলক গোট, বিশেষকৈ কাছাম ব্ৰিগেডৰ যোদ্ধাসকলক – হামাছৰ সামৰিক শাখাক সমৰ্থন কৰাৰ বাবে আমাৰ ধৰ্মীয়, মানৱীয় আৰু নৈতিক প্ৰতিশ্ৰুতি পুনৰ দৃঢ় কৰে।
আনছাৰুল্লাহৰ মুৰব্বীগৰাকীয়ে কয় যে, গাজা যুদ্ধবিৰতি চুক্তিৰ অধীনত ইজৰাইলৰ বাধ্য-বাধকতা আৰু বন্দীসকলক মুক্তিৰ ক্ষেত্ৰত দ্বিতীয় পৰ্যায়ৰ ভংগুৰ যুদ্ধবিৰতিৰ প্ৰয়োজনীয়তাসমূহ য়েমেনে তীক্ষ্ণ দৃষ্টিৰে নিৰীক্ষণ কৰি আছে।
হাউথীয়ে জোৰ দি কয় যে, যদি ইজৰাইলে গাজাত পুনৰ আক্ৰমণ আৰম্ভ কৰে তেন্তে জায়নিষ্ট শত্ৰুৰ অস্তিত্ব বিপদত পৰিব আৰু টেল আভিভ ইয়াৰ মূল লক্ষ্য হ’ব। তেওঁ কয় যে, যদিহে টেল আভিভ শাসনে ঘেৰাও কৰা উপকূলীয় অঞ্চলটোৰ বিৰুদ্ধে পুনৰ ৰক্তাক্ত আক্ৰমণ আৰম্ভ কৰে, তেন্তে য়েমেনৰ সেনাই গাজাৰ সমৰ্থনত বিভিন্ন সামৰিক ফ্ৰণ্টত হস্তক্ষেপ কৰিব।
ইজৰাইলৰ সম্প্ৰচাৰ কৰ্তৃপক্ষই যদি যুদ্ধবিৰতি বৃদ্ধিৰ বাবে কোনো চুক্তিত উপনীত নহয়, তেন্তে ইজৰাইলৰ সেনাই গাজা ষ্ট্ৰিপত যুদ্ধ পুনৰ আৰম্ভ কৰাৰ বাবে সাজু হৈছে বুলি প্ৰকাশ কৰাৰ পিছতে এই মন্তব্য প্ৰকাশ কৰিছে।
ইজৰাইলৰ এটা জ্যেষ্ঠ নিৰাপত্তা সূত্ৰৰ উদ্ধৃতি দি কয় যে, গাজাত শান্তি স্থাপনৰ বাবে সক্ৰিয় আলোচনাৰ প্ৰয়োজন; অন্যথা, মাত্ৰ দুটা বিকল্প আছে – বন্দীক মুক্তি দিয়া অথবা যুদ্ধ।
