খাইবাৰ পখতুনখোৱা প্ৰদেশৰ দুটা ভিন্ন স্থানত নিৰাপত্তাৰক্ষীৰ দলে চলোৱা অভিযানত এক ডজনৰো অধিক ম’ষ্ট ৱাণ্টেড খোৱাৰীজ সন্ত্ৰাসবাদী নিহত হোৱাৰ খবৰ আহিছে।
সন্ত্ৰাসবাদীৰ দলৰ উপস্থিতিৰ খবৰ পোৱাৰ লগে লগে ডেৰা ইছমাইল খান জিলাৰ সাধাৰণ এলেকা হাথালাত নিৰাপত্তা বাহিনীয়ে এই অভিযান চলায়।
এই অভিযানৰ সময়ত পাকিস্তানৰ সাহসী সৈন্যই সফলতাৰে সংগঠনটোৰ শীৰ্ষ নেতা খাৰজী ফাৰ্মা, খাৰজী আমানুল্লা, খাৰজী ছাইদ, খাৰজী বিলালক ধৰি ৯ জন সন্ত্ৰাসবাদীক নিহত কৰিবলৈ সক্ষম হয়।
ইফালে উত্তৰ ৱাজিৰস্তান জিলাৰ মিৰাণ শ্বাহত চলোৱা আন এক অভিযানত নিৰাপত্তা বাহিনীৰ হাতত নিহত হয় আন ছয় খোৱাৰীজ সন্ত্ৰাসবাদী। অৱশ্যে দুৰ্ভাগ্যক্ৰমে এই অভিযানত শ্বহীদ হয় নিৰাপত্তাবাহিনীৰ চাৰিজন জোৱান।
দুটা পৃথক পৃথক অভিযানত ১৫ জন সন্ত্ৰাসবাদীৰ মৃত্যু হয় যদিও অঞ্চল দুটাত এতিয়াও নিৰাপত্তাৰক্ষী বাহিনীয়ে অভিযান চলাই থকা বুলি জানিব পৰা গৈছে।
