জম্মু-কাশ্মীৰৰ বান্দিপোৰা জিলাত শনিবাৰে সংঘটিত এক পথ দুৰ্ঘটনাত ভাৰতীয় সেনাৰ চাৰিজন জোৱান নিহত হোৱাৰ লগতে আন দুজন জোৱান গুৰুতৰভাৱে আহত হয়। সেনা জোৱান কঢ়িয়াই নিয়া বাহনখনে নিয়ন্ত্ৰণ হেৰুৱাই পথৰ পৰা দ’ খাৱৈত বাগৰি পৰাৰ ফলত এই দুৰ্ঘটনাটো সংঘটিত হয়।
স্থানীয় প্ৰশাসনে জনোৱা অনুসৰি এই দুৰ্ঘটনাটো এছকে পায়েন নামৰ অঞ্চলত সংঘটিত হৈছে। এই দুৰ্ঘটনাটোত আহত হোৱা জোৱান দুজনক সমীপৱৰ্তী হাস্পতালত ভৰ্তি কৰোৱা হৈছে।
অধিক তথ্যৰ বাবে অপেক্ষা…
উল্লেখ্য যে, বিগত মাহতো জম্মু-কাশ্মীৰৰ পুঞ্চত একেধৰণৰ এক দুৰ্ঘটনা সংঘটিত হৈছিল। সেনা বাহিনীৰ এখন ট্ৰাকে ৩০০ ফুট দ’ খাৱৈত বাগৰি পৰাৰ ফলত পাঁচজন জোৱান নিহত হোৱাৰ লগতে আন পাঁচজন জোৱান গুৰুতৰভাৱে আহত হৈছিল। ট্ৰাকখনৰ চালকে নিয়ন্ত্ৰণ হেৰুওৱাৰ ফলতেই এই দুৰ্ঘটনা সংঘটিত হোৱা বুলি জানিব পৰা গৈছিল।
