কেৰালাত সংঘটিত হৈছে এক ভয়ংকৰ দুৰ্ঘটনা। জানিব পৰা অনুসৰি সোমবাৰে নিশা এখন চৰকাৰী যাত্ৰীবাহী বাছ আৰু এখন চাৰিচকীয়া বাহনৰ মাজত হোৱা সংঘৰ্ষত চিকিৎসা বিজ্ঞানৰ পাঁচগৰাকী শিক্ষাৰ্থীৰ থিতাতে মৃত্যু হয়।
কেৰালাৰ আলাপ্পুঝা জিলাত সংঘটিত হৈছে এই ঘটনা। দুৰ্ঘটনাটোত ৫ গৰাকী শিক্ষাৰ্থীৰ মৃত্যু হোৱাৰ লগতে আন দুজন ছাত্ৰ গুৰুতৰভাৱে আহত হয়।
নিশা প্ৰায় ৯ মান বজাত সংঘটিত এই দুৰ্ঘটনাটোত পতিত হোৱা শিক্ষাৰ্থী কেইজন টি ডি মেডিকেল কলেজৰ। শিক্ষাৰ্থীৰ সাতজনীয়া দলটোৱে এখন গাড়ীৰে আহি থকা অৱস্থাত বাছখনৰ সৈতে সংঘৰ্ষত লিপ্ত হৈছিল।
দুৰ্ঘটনা সংঘটিত হোৱাৰ সময়ত অঞ্চলটোত ধাৰাসাৰ বৰষুণ দি আছিল। ইয়াৰ উপৰি শিক্ষাৰ্থী কেইজনে যাত্ৰা কৰা গাড়ীখন তীব্ৰবেগত থকা বুলিও প্ৰত্যক্ষদৰ্শীয়ে জানিব দিয়ে। সংঘৰ্ষৰ প্ৰভাৱ ইমানেই ভয়ংকৰ আছিল যে গাড়ীখন সম্পূৰ্ণৰূপে ধ্বংস হৈ যায়। ইয়াৰ উপৰি বাছখনৰো কিছু পৰিমানে ক্ষতিগ্ৰস্ত হয়।
আৰক্ষীৰ সূত্ৰ অনুসৰি আহতসকলক উদ্ধাৰ কৰিবলৈ গাড়ীখন কাটিবলগীয়া হৈছিল। লগতে জনা যায় যে পাঁচজন ছাত্ৰৰ ভিতৰত তিনিজনৰ থিতাতে মৃত্যু হয় যদিও চিকিৎসালয়লৈ যোৱাৰ পথত আন দুজনে মৃত্যুক আঁকোৱালি লয়। আন দুজন আহত ছাত্ৰক চিকিৎসাৰ বাবে আলাপ্পুঝা মেডিকেল কলেজ হাস্পতাললৈ লৈ যোৱা হয়। আটাইকেইজন ছাত্ৰ-ছাত্ৰী আছিল প্ৰথম বৰ্ষৰ ছাত্ৰ।
