জয়পুৰৰ দুদুৰ ৪৮ নং ৰাষ্ট্ৰীয় ঘাইপথৰ মোখমপুৰাৰ সমীপত এক ভয়ংকৰ পথ দুৰ্ঘটনা সংঘটিত হৈছে। এখন বাছৰ টায়াৰ ফাটি যোৱাৰ ফলত অনিয়ন্ত্ৰিত হৈ বাছখনে এখন চাৰিচকীয়া বাহনত প্ৰচণ্ড জোৰত খুন্দা মাৰে। এই কৰুণ ঘটনাত ৮ জন লোকৰ মৃত্যু হোৱাৰ লগতে ৬ গৰাকীৰো অধিক লোক আঙত হয়।
বাছখন জয়পুৰৰ পৰা আজমেৰ দিশে গৈ আছিল। বাছখনৰ এটা টায়াৰ হঠাতে ফাটি যোৱাৰ ফলত বাছখনে নিয়ন্ত্ৰণ হেৰুৱাই চাৰিচকীয়া বাহনখনত খুন্দা মাৰে। এই ঘটনাটোত চাৰিচকীয়া বাহনখনত থকা ৮ জন লোকৰ মৃত্যু হয়। বাহনখনৰ প্ৰতিগৰাকী খেলুৱৈ ভীলবাড়াৰ বাসিন্দা।
জানিব পৰা অনুসৰি, দুৰ্ঘটনাটোত মৃত্যু হোৱা লোকসকলে মহাকুম্ভ মেলালৈ গৈ আছিল। দুৰ্ঘটনাৰ খবৰ পোৱাৰ পিছতে ঘটনাস্থলত আৰক্ষীৰ লোক উপস্থিত হৈ উদ্ধাৰ কাৰ্য চলোৱাৰ লগতে তদন্ত আৰম্ভ কৰে।
দুৰ্ঘটনা সন্দৰ্ভত আৰক্ষী অধীক্ষক আনন্দ কুমাৰ শৰ্মাই কয় যে জয়পুৰৰ পৰা আজমেৰলৈ গৈ আছিল বাছখন। ইকো গাড়ীখন আজমেৰৰ পৰা জয়পুৰ অভিমুখে আহি আছিল। ইফালে মোখমপুৰাৰ সমীপত হঠাৎ বাছখনৰ টায়াৰ ফাটি যায়। যাৰ বাবে বাছখন নিয়ন্ত্ৰণৰ বাহিৰলৈ গৈছিল। ডিভাইডাৰ পাৰ হৈ বিপৰীত দিশৰ পৰা অহা গাড়ীখনত খুন্দা মাৰে।
