সদৌ অসম ছাত্ৰ সন্থাৰ পৰৱৰ্তী সাধাৰণ সম্পাদকৰ দায়িত্ব লাভ কৰিলে চৰ্জুন হাঞ্চেই। আজি গুৱাহাটী বিশ্ববিদ্যালয়স্থিত আছুৰ মুখ্য কাৰ্যালয়ত অনুষ্ঠিত আছুৰ কেন্দ্ৰীয় কাৰ্যনিৰ্বাহকৰ জৰুৰী বৈঠকত সৰ্বসন্মতিক্ৰমে হাঞ্চেৰ নাম চূড়ান্ত কৰা হয়।
উল্লেখ্য যে, নাৰীজনিত কেলেংকাৰীত নাম সাঙোৰ খাই বিতৰ্কত সোমাই পৰা শংকৰ জ্যোতি বৰুৱাই সদৌ অসম ছাত্ৰ সন্থাৰ সাধাৰণ সম্পাদকৰ পদৰ পৰা অব্যাহতি লোৱাৰ পিছৰে পৰা চৰ্চা চলিছিল কোন হ’ব ছাত্ৰ সংগঠনটোৰ পৰৱৰ্তী সাধাৰণ সম্পাদক।
সংগঠনটোত থকা পাঁচগৰাকী সহকাৰী সাধাৰণ সম্পাদকৰ পৰাই যিকোনো এজনক ভাৰপ্ৰাপ্ত সাধাৰণ সম্পাদকৰ দায়িত্ব অৰ্পণ কৰা হ”ব বুলি চলিছিল চৰ্চা।
ইয়াৰ মাজতে আজি অনুষ্ঠিত হোৱা জৰুৰী কেন্দ্ৰীয় কাৰ্যনিৰ্বাহকত হাঞ্চেৰ নামটো নিশ্চিত কৰাত কাৰ্বিং আংলঙত আনন্দৰ জোঁৱাৰ উঠিছে।
উল্লেখ্য যে, অসমীয়াৰ হিয়াৰ আমঠু ছাত্ৰ সন্থাৰ দৰে সংগঠনৰ সাধাৰণ সম্পাদকৰ দৰে গুৰুত্বপূৰ্ণ পদবীত অধিষ্ঠিত হোৱা চৰ্জুন হাঞ্চে হৈছে কাৰ্বিং আংলঙৰ প্ৰথমগৰাকী ছাত্ৰ নেতা।
