বলীউডৰ চিৰসেউজ অভিনেত্ৰী ৰেখা, এসময়ৰ অন্যতম অভিনেত্ৰী, যিগৰাকী শক্তিশালী অভিনয়ৰ লগতে তেওঁৰ সৌন্দৰ্য্যৰ বাবেও পৰিচিত। তেলেগু ছবি ‘এণ্টি গুট্টু’ আৰু ‘ৰংগুলা ৰত্নম’ৰ জৰিয়তে শিশু শিল্পী হিচাপে নিজৰ কেৰিয়াৰ আৰম্ভ কৰা ৰেখাই বহু ব্লকবাষ্টাৰ ছবি প্ৰদান কৰিছে।
১৯৬৯ চনত কানাড়া ভাষাৰ এখন ছবি ‘অপাৰেচন জেকপট’ ছবিখনত ৰেখাই মুখ্য চৰিত্ৰত অভিনয় কৰিছিল।সেই সময়তে ৰেখাই হিন্দী চিনেমাত প্ৰথম বিৰতি লাভ কৰিছিল ‘সাৱন ভাদো’ ছবিৰে, য’ত তেওঁ চন্দাৰ চৰিত্ৰত অভিনয় কৰিছিল।
পেছাদাৰী জীৱনৰ সমান্তৰালকৈ ৰেখাই ব্যক্তিগত জীৱনৰ বাবেও শিৰোনাম দখল কৰি আহিছে। ইয়াৰ পিছতো তেওঁৰ জীৱনৰ এটা অংশ গোপন হৈয়েই আছে, যিটো জানিবলৈ তেওঁৰ অনুৰাগীসকলে সদায় আগ্ৰহী হৈ আহিছে। ইণ্ডাষ্ট্ৰীৰ বহু তাৰকাৰ সৈতে প্ৰেমৰ সম্পৰ্কত ৰেখাৰ নাম শিৰোনাম দখল কৰিছিল যদিও বলীউডৰ ছুপাৰষ্টাৰ অমিতাভ বচ্চনৰ সৈতে তেওঁৰ নাম আটাইতকৈ বেছি চৰ্চা হৈছিল।
এতিয়া আপুনি নিশ্চিতভাৱে আচৰিত হ’ব যে তেওঁৰ নাম কেৱল ভাৰতীয় অভিনেতাৰ সৈতেই নহয়, এগৰাকী প্ৰাক্তন পাকিস্তানী ক্ৰিকেটাৰৰ সৈতেও জড়িত হৈ আছে। এইজন আন কোনো নহয়, প্ৰাক্তন পাকিস্তানী ক্ৰিকেটাৰ আৰু প্ৰাক্তন প্ৰধানমন্ত্ৰী ইমৰাণ খান। সংবাদ মাধ্যমৰ বাতৰি যদি বিশ্বাস কৰিব লাগে তেন্তে এসময়ত ৰেখা আৰু ইমৰাণৰ নাম শিৰোনামত আছিল।
ৰেখা আৰু ইমৰাণ খানৰ সম্পৰ্কক লৈ ৪০ বছৰীয়া এটা পোষ্টো ছ’চিয়েল মিডিয়াত ভাইৰেল হৈ পৰিছে। ১৯৮৫ চনত ষ্টাৰ ৰিপ’ৰ্টে এটা বাতৰি প্ৰকাশ কৰিছিল, য’ত ৰেখা আৰু ইমৰাণ খানৰ সম্পৰ্কৰ কথা উল্লেখ কৰা হৈছিল। ৰেখাৰ মাতৃ পুষ্পৱল্লীয়ে ৰেখা আৰু ইমৰাণৰ বিয়া হোৱাটো বিচাৰিছিল বুলিও জাৰ্নেলখনে নিজৰ প্ৰতিবেদনত দাবী কৰিছে।
একেটা প্ৰতিবেদনতে এইটোও কোৱা হৈছিল যে দুয়োজনেই কেৱল বন্ধুতকৈ অধিক। দুয়োকে বহুবাৰ সাগৰৰ পাৰত আৰু কেতিয়াবা শ্বুটিং চেটত একেলগে ইজনে সিজনৰ সংগ উপভোগ কৰা দেখা গৈছিল, যাৰ বাবে তেওঁলোকে বিশ্বাস কৰিছিল যে তেওঁলোক ইজনে সিজনৰ প্ৰতি গভীৰ প্ৰেমত পৰিছে। অৱশ্যে এই উৰাবাতৰিৰ প্ৰতি ৰেখা বা ইমৰানে কেতিয়াও কোনো ধৰণৰ প্ৰতিক্ৰিয়া প্ৰকাশ কৰা নাছিল।
