দুদিনীয়া কাৰ্যসূচীৰে আজিৰ পৰা আৰম্ভ হ’ব ‘এডভান্টেজ আছাম ২.০’। আজি প্ৰধানমন্ত্ৰী নৰেন্দ্ৰ মোদীয়ে ‘এডভান্টেজ আছাম ২.০’ উদ্বোধন কৰি আৰু তাৰ পাছতেই ক্ৰম অনুসৰি আৰম্ভ হ’ব ইয়াৰ কাৰ্যসূচীসমূহ। ২৫ আৰু ২৬ ফেব্ৰুৱাৰীত অনুষ্ঠিত হ’বলগীয়া এই অনুষ্ঠানত অংশ ল’বলৈ দেশ-বিদেশৰ বহু বিনিয়োগকাৰী ইতিমধ্যে ৰাজ্যত উপস্থিত হৈছে।
এই সন্মিলনত ৯ জন কেন্দ্ৰীয় মন্ত্ৰীয়েও অংশগ্ৰহণ কৰিব।সন্মিলনত অংশ ল’বলৈ গুৱাহাটীত উপস্থিত হৈছে ভাৰতৰ কেইবাজনো বিশিষ্ট উদ্যোগপতি।
উল্লেখ্য যে, বিগত কেইটামান দিন ধৰি অসমৰ মুখ্যমন্ত্ৰী তথা ৰাজ্য চৰকাৰৰ কেইবাগৰাকী মন্ত্ৰী নেতাই ‘এডভান্টেজ আছাম ২.০’ ক সফল কৰি তুলিবলৈ দেশ বিদেশৰ বহু বিনিয়োগকাৰীক আমন্ত্ৰণ জনাই আহিছে। সেই আমন্ত্ৰণ ৰক্ষা কৰি কেবাগৰাকীও কেন্দ্ৰীয় মন্ত্ৰী, উদ্যোগপতি, অভিযানৰ মুৰব্বী, বিভিন্ন ৰাষ্ট্ৰৰ ৰাষ্ট্ৰদূতে এই বিশাল বিনিয়োগ অনুষ্ঠানত অংশগ্ৰহণ কৰিব।
এডভান্টেছ আছাম ২.০ ৰ কাৰ্যসূচীত দেশ বিদেশৰ বহু বিনিয়োগকাৰী আহি উপস্থিত হৈছে। ইয়াৰ পূৰ্বে ২৪ ফেব্ৰুৱাৰীত প্ৰধানমন্ত্ৰীৰ লগতে বিশ্বৰ কেইবাখনো দেশৰ ৬১ গৰাকীতকৈ অধিক ৰাষ্ট্ৰদূতে ঝুমৰেই বিনন্দিনী অনুষ্ঠানত অংশ গ্ৰহণ কৰে।
