অবিবাহিত প্ৰতিগৰাকী অসমৰ ছাত্ৰীৰ বাবে ডাঙৰ খবৰ। অসম চৰকাৰে মহিলা শিক্ষাক উৎসাহিত তথা বাল্য বিবাহ ৰোধ কৰিবৰ বাবে আনিছে এক যুগান্তকাৰী আঁচনি। ২০২৪ চনত মুখ্যমন্ত্ৰীয়ে এই আঁচনিৰ শুভাৰম্ভ কৰে।নিযুত মইনা নামৰ আঁচনিখনৰ জৰিয়তে অসমৰ ছাত্ৰীসকলক উচ্চ শিক্ষাৰ বাবে উৎসাহিত কৰাৰ প্ৰয়াস চৰকাৰে হাতত লৈছে।
কোন কোন ছাত্ৰীয়ে লাভ কৰিব এই আঁচনিৰ সুবিধা-
- মেট্ৰিক পাছ কৰি চৰকাৰী বা প্ৰাদেশিক শিক্ষানুষ্ঠানত হায়াৰ চেকেণ্ডাৰী শিক্ষাৰ বাবে নামভৰ্তি কৰা ছাত্ৰীয়ে
- হায়াৰ চেকেণ্ডাৰী পাছ কৰি স্নাতকৰ বাবে নামভৰ্তি কৰা ছাত্ৰীয়ে
- স্নাতক পাছ কৰি স্নাতকোত্তৰ বাবে নামভৰ্তি কৰা ছাত্ৰীয়ে
- বিবাহিত প্ৰাৰ্থী এই আঁচনিৰ বাবে যোগ্য নহয়।
- আবেদনকাৰী অসমৰ স্থায়ী বাসিন্দা হ’ব লাগিব।
- সাংসদ আৰু বিধায়কৰ কন্যা আঁচনিৰ বাবে আবেদন কৰিবলৈ যোগ্য নহয়।
কি কি সুবিধা লাভ কৰিব প্ৰাৰ্থীয়ে-
- হায়াৰ চেকেণ্ডাৰী নামভৰ্তি কৰা ছাত্ৰীসকলে মাহিলী ১০০০ টকাকৈ বছৰি ১০ হাজাৰ টকা লাভ কৰিব।
- যিসকল ছাত্ৰীয়ে স্নাতকত নামভৰ্তি কৰে সেইসকলে মাহিলী ১২৫০ টকাকৈ বছৰি ১২,৫০০ টকা লাভ কৰিব।
- যিসকলে স্নাতকোত্তৰত নামভৰ্তি কৰে সেইসকলে মাহিলী ১৫০০ টকাকৈ বছৰি ১৫,০০০ টকা লাভ কৰিব।
কি কি তথ্যৰ প্ৰয়োজন হ’ব-
- বেংকৰ তথ্য প্ৰাৰ্থীৰ নামত হ’ব লাগিব।
- সকলো নথি পত্ৰ প্ৰাৰ্থীৰ নামত হ’ব লাগিব।
- প্ৰাৰ্থী নিৰ্বাচনৰ বাবে বাৰ্ষিক আয়ৰ প্ৰমাণ পত্ৰ বিবেচনা কৰা হ’ব।
