হাজোত সংঘটিত হৈছে এক চাঞ্চল্যকৰ ঘটনা। এগৰাকী যুৱকক অপহৰণৰ অপচেষ্টা ৯জনীয়া দুৰ্বৃত্তৰ এটা দলৰ।
হাজোৰ ৰামদিয়াৰ মিলপাৰাত সংঘটিত হৈছে এই চাঞ্চল্যকৰ অপহৰণ কাণ্ড। আইনৰ প্ৰথম ষান্মাষিকৰ ছাত্ৰক অপহৰণ কৰে ৯ জনীয়া দুৰ্বৃত্তৰ দলে।
নিজগৃহৰ সন্মুখৰ পৰাই অপহৰণকাৰীৰ দলে বাইকত উঠাই অপহৰণ কৰে আইনৰ ছাত্ৰ দিলচান্দ আলীক। মিলপাৰাৰ পৰা বাইকেৰে উঠাই আনি হাজোৰ ভেলামাৰী পথাৰত অচেতন অৱস্থাত অপহৰণকাৰীয়ে পেলাই থৈ যায় ছাত্ৰ গৰাকীক। ইয়াৰ পিছতে সেই ঠাইৰ পৰা পলায়ন কৰে অপহৰণকাৰীদলে।
ছাত্ৰগৰাকীৰ উদ্ধাৰ হোৱাৰ পিছতে হাজো FRU ত ভৰ্তি কৰোৱা হয় যদিও পিছলৈ উন্নত চিকিৎসাৰ বাবে GMCH লৈ প্ৰেৰণ কৰা হয়।
ইতিমধ্যে ঘটনা সন্দৰ্ভত ছাত্ৰগৰাকীৰ পৰিয়ালৰ লোকে আৰক্ষীক অৱগত কৰে। অপহৰণকাৰী দলৰ সন্ধানত ৰামদিয়া আৰক্ষীয়ে ইতিমধ্যে অব্যাহত ৰাখিছে পূৰ্ণ অভিযান।
