বিশ্বনাথত এক জঘন্য ঘটনা সংঘটিত হয়। এগৰাকী কিশোৰীৰ এজন লম্পটে অপকৰ্ম সংঘটিত কৰে। এই ঘটনা সংঘটিত হৈছিল বিশ্বনাথ জিলাৰ দক্ষিণ চতিয়াৰ হাতীগাঁৱত।
বৃহস্পতিবাৰে বিয়লি ভাগত নিজ বাসগৃহ হাতীগাঁৱৰ পৰা ঘিলাধাৰী নৈ পাৰহৈ খৰি আনিবলৈ গৈছিল এই কিশোৰীগৰাকীয়ে। সেই সময়তে বলপূৰ্বকভাবে হাতীগাঁৱৰে আবুল হুছেইন নামৰ এজন দুৰ্বৃত্তই নাবালিকা গৰাকীৰ সৈতে অপকৰ্ম সংঘটিত কৰি অচেতন অৱস্হাত পেলাই থৈ পলায়ন কৰে।
শেষত ঘটনাস্থলীত আৰক্ষী উপস্থিত হৈ কিশোৰীগৰাকীক সংকটজনক অৱস্থাত উদ্ধাৰ কৰে। সম্প্ৰতি কিশোৰীগৰাকীক বিশ্বনাথ জিলা চিকিৎসালয়ত চিকিৎসাধীন হৈ আছে।
বৰ্তমান সময়লৈকে অভিযুক্ত আবুল হোছেইনক বিচাৰি তদন্ত অব্যাহত ৰাখিছে চতিয়াৰ আৰক্ষীয়ে। অতি শীঘ্ৰে দোষীক গ্ৰেপ্তাৰ কৰাৰ দাবী উত্থাপন কৰিছে পৰিয়ালৰ লোক তথা বিভিন্ন দল-সংগঠনে।
