বুধবাৰৰ পৰা আৰম্ভ হ’বলগীয়া আই চি চি বিশ্ব টেষ্ট চেম্পিয়নশ্বিপৰ ফাইনেলৰ বাবে অষ্ট্ৰেলিয়া ক্ৰিকেট দলৰ অধিনায়ক পেট কামিন্সে ঘোষণা কৰিলে মূল একাদশ। মঙলবাৰে লণ্ডনত সংবাদ মাধ্যমৰ আগত মূল একাদশ ঘোষণা কৰি উছমান খোৱাজা আৰু মাৰ্নছ লাবুছানেই ইনিংছ মুকলি কৰিব বুলি জনায়।
দক্ষিণ আফ্ৰিকাৰ বিৰুদ্ধে খেলিবলগীয়া ফাইনেল মেচখনৰ বাবে অষ্ট্ৰেলিয়াৰ মূল একাদশ
উছমান খোৱাজা, মাৰ্নছ লাবুছানে, কেমৰুন গ্ৰীণ, ষ্টিভ স্মিথ, ট্ৰেভিছ হেড, ব্যু ৱেবষ্টাৰ, এলেক্স কেৰী, পেট কামিন্স, মিচেল ষ্টাৰ্ক, নাথন লায়ন, জোছ হেজলউড।
ইফালে দক্ষিণ আফ্ৰিকাইও বুধবাৰৰ পৰা আৰম্ভ হ’বলগীয়া ফাইনেল মেচখনৰ বাবে শক্তিশালী মূল একাদশ ঘোষণা কৰিছে।
দক্ষিণ আফ্ৰিকাৰ মূল একাদশ
টেম্বা বাভুমা, এইডেন মাৰ্কৰাম, ৰয়ান ৰিকেল্টন, ৱিয়ান মুলডাৰ, ট্ৰিষ্টন ষ্টাবছ, ডেভিড বেডিংঘম, কাইল ভেৰিন, মাৰ্কো জানছন, কেশৱ মহাৰাজ, কাগিছো ৰাবাডা আৰু লুংগী এনগিডি।
উল্লেখ্য যে, ইংলেণ্ডৰ লৰ্ডছত অনুষ্ঠিত হ’বলগীয়া এই ফাইনেল মেচখন যথেষ্ট ৰোমাঞ্চকৰ তথা আকৰ্ষণীয় হ’ব বুলি অনুমান কৰা হৈছে। কিয়নো ১৯৯১ চনৰ পিছত লৰ্ডছত দক্ষিণ আফ্ৰিকাই মাত্ৰ এবাৰহে পৰাস্ত হৈছে। দলটোৱে পাঁচখনত বিজয় সাব্যস্ত কৰাৰ বিপৰীতে এখন ড্ৰ খেলিছিল।
